ডিজিটেল ডেস্ক: মধ্যপ্ৰদেশত পিয়াজৰ হাৰ কম হোৱাৰ বাবে চকুলো টুকিছে কৃষকে। দাম ইমানেই কম হৈ গৈ আছে যে আনকি খেতিৰ পৰিবহণৰ খৰচো ওলোৱা নাই। চাজাপুৰৰ বজাৰত কৃষকৰ পৰা মাত্ৰ ২ টকাত ৩০০ কেজি পিঁয়াজ কিনাত কৃষকসকলৰ সৰগ ভাঙি পৰা সদৃশ পৰিবেশৰ সৃষ্টি হৈছে। এই সন্দৰ্ভত কংগ্ৰেছে শিৱৰাজ চৰকাৰক ঘেৰাও কৰি প্ৰতিবাদ সাব্যস্ত কৰে।
দেৱাস জিলাৰ গাঁৱৰ ভূদানীৰ কৃষক জয়ৰামে যোৱা ২২ ছেপ্টেম্বৰত ৬ বেগ পিয়াজ বিক্ৰী কৰিবলৈ আগবাঢ়িছিল। য'ত আছিল প্ৰায় ৩০০ কেজি পিয়াজ। প্ৰতি কেজি পিয়াজ ৮০ পইচাৰ পৰা ১.২৫ টকালৈ ক্ৰয় কৰা হৈছিল। এইদৰে মুঠ মূল্য ৩৩০ টকা হৈছিল, কিন্তু পৰিবহণ আৰু ওজনৰ খৰচ কৰ্তন কৰাৰ পিছত কৃষক জয়ৰামক দিয়া হ’ল মাত্ৰ ২ টকাহে।
চাজাপুৰৰ পিয়াজ ব্যৱসায়ী শ্বাহাদত খানে কয় যে কৃষক জয়ৰামে অনা পিয়াজৰ মানদণ্ড ভাল নহয়। ইয়াৰ পিছতো তেওঁক ৮০ পইচাৰ পৰা প্ৰতি কেজি ডেৰ টকালৈ কিনিছিল। পিয়াজ যদি ভাল মানদণ্ডৰ হ’লহেঁতেন তেন্তে কেজি ১১ টকাত কিনা হ’লহেঁতেন৷ জয়ৰামে ৬ বেগত ৩০০ কেজি পিয়াজ আনিছিল। তেওঁ ২৮০ টকা আগতীয়াকৈ ভাড়াৰ বাবে লৈছিল। হাম্মালিৰ খৰচ কৰ্তন কৰি ওজন কৰাৰ পিছত বাকী ধন জয়ৰামক দিয়া হৈছে।
ইফালে মধ্যপ্ৰদেশৰ কৃষকসকলে ভাল মানৰ পিঁয়াজৰ বাবে সৰ্বোচ্চ হাৰত ১১-১২ টকা লাভ কৰাৰ বিপৰীতে মধ্যম মানৰ পিয়াজ ৫ৰ পৰা ১০ টকাত আৰু আটাইতকৈ বেয়া মানৰ পিঁয়াজ প্ৰতি কেজিত ৪ টকাতকৈ কম মূল্যত ক্ৰয় কৰা হৈছে। আনহাতে, সাধাৰণ মানুহে পিয়াজ খাবলৈ প্ৰতি কেজিত ২০ৰ পৰা ২৫ টকা আদায় কৰিছে। এই সন্দৰ্ভত ভাৰতীয় কৃষক সন্থাৰ নেতা মুকেশ পাটিদাৰে কয় যে মণ্ডীসমূহত স্বেচ্ছাচাৰী হাৰ দিয়া হৈছে। ব্যৱসায়ীসকলে কৃষকৰ পৰা মাণ্ডি কৰ, কমিছন, হামালি আৰু ওজনৰ খৰচ লয়।
এই সন্দৰ্ভত কৃষি মন্ত্ৰীয়ে কি ক'লে -
ইফালে চলিত মাহৰ ৮ ছেপ্টেম্বৰত শিৱৰাজ চৰকাৰৰ কৃষি মন্ত্ৰী তথা ধৰ জিলাৰ সুনীল পাটিদাৰ নামৰ এজন কৃষকৰ অডিঅ’ ভাইৰেল হৈছে। য’ত কৃষি মন্ত্ৰীয়ে কৈছিল যে এনে শস্য কিয় কৰা হ’ল, কাৰ হাৰ কম । ইয়াৰ উপৰিও মধ্যপ্ৰদেশৰ বহু জিলাত পিয়াজ আৰু নহৰুৰ হাৰ কম হোৱাৰ বাবে কৃষকসকলে বিক্ষোভ প্ৰদৰ্শন কৰিছে।
Continue Reading
