ডিজিটেল ডেস্ক: গুজৰাটৰ মৰবিৰ দলং দুৰ্ঘটনাৰ প্ৰতিক্ৰিয়াৰ মাৰ নৌযাওঁতেই আৰক্ষীয়ে আদালতত দিয়া ভাষ্যই সৃষ্টি কৰিছে নতুন বিতৰ্কৰ৷ মৰবিৰ দলং দুৰ্ঘটনা ঈশ্বৰৰ ইচ্ছাতহে সংঘটিত হৈছিল বুলি আদালতত ভাষ্য প্ৰদান কৰিছে আৰক্ষীয়ে৷
আৰক্ষীয়ে আদালতক মামৰ খোৱা তাঁৰ কেতিয়াও মেৰামতি কৰা হোৱা নাই বুলিও ভাষ্য প্ৰদান কৰিছে৷ দেওবাৰে গুজৰাটৰ মৰবিত সংঘটিত এক ভয়ংকৰ দুৰ্ঘটনাত ১৩০টাতকৈও অধিক পৰিয়াল বিধ্বস্ত হয়। যাৰ পাছত বিষয়টো উচ্চতম ন্যায়ালয়ৰ মজিয়াত উপস্থাপিত হয়৷ যাৰ শুনানি আদালতে ১৪ নৱেম্বৰত অনুষ্ঠিত কৰিব৷ একে সময়তে মৰবি আৰক্ষীয়ে দুৰ্ঘটনা সন্দৰ্ভত স্থানীয় আদালতত তেওঁলোকৰ বিবৃতি লিপিবদ্ধ কৰে। য’ত এটা অদ্ভুত বিবৃতি দিয়া হৈছে।
মৰবিৰ উপ-আৰক্ষী অধীক্ষক পি এ জালাই মঙলবাৰে আদালতক কৈছিল যে দুলি থকা দলংখনৰ তাঁৰবোৰ মামৰে খাইছিল আৰু সেইবোৰ মেৰামতি কৰা হ'লে দুৰ্ঘটনাটো নহ'লহেঁতেন। আনহাতে, দলংখনৰ তত্বাৱধানৰ বাবে দায়বদ্ধ আৰু গ্ৰেপ্তাৰ হোৱা নজন লোকৰ ভিতৰত এজন অৰেভা কোম্পানীৰ মেনেজাৰ দীপক পাৰেখে কয় যে এনে দুৰ্ভাগ্যজনক ঘটনা সংঘটিত হোৱাটো ঈশ্বৰৰ ইচ্ছা৷
মৰবি কেবল ব্ৰীজ দুৰ্ঘটনাত এতিয়ালৈকে ১৩৪জন লোকৰ মৃতদেহ উদ্ধাৰ কৰা হৈছে, এতিয়াও সাহায্যৰ কাম চলি আছে। এক প্ৰতিবেদন অনুসৰি ডিএছপি জালাই গ্ৰেপ্তাৰ কৰা নজন ব্যক্তিৰ ভিতৰত চাৰিজনৰ ১০ দিনৰ জিম্মাত বিচাৰিছে। একে সময়তে তেওঁ আদালত কক্ষত কয় যে গান্ধীনগৰৰ এটা দলৰ ফৰেনচিক বিজ্ঞান পৰীক্ষাগাৰৰ প্ৰতিবেদন অনুসৰি দলংখনত কিমান জন লোক উপস্থিত থাকিব লাগে আৰু চৰকাৰৰ অনুমোদন অবিহনে তাৰ ক্ষমতা নিৰ্ধাৰণ নকৰাকৈ ২৬ অক্টোবৰত দলংখন মুকলি কৰা হৈছিল। ৰক্ষণাবেক্ষণ আৰু মেৰামতিৰ অংশ হিচাপে কোনো জীৱন ৰক্ষাকাৰী সঁজুলি বা লাইফগাৰ্ড মোতায়েন কৰা হোৱা নাছিল।
জালাই কৈছিল যে দলংখন তাঁৰত ওলমি আছিল আৰু সেইবোৰত কোনো তেল বা গ্ৰীজ কৰা নাছিল। য'ৰ পৰা তাঁৰবোৰ ভাঙি পেলোৱা হৈছিল৷ তেওঁ কয়, যদি তাঁৰবোৰ মেৰামতি কৰা হ’লহেঁতেন দুৰ্ঘটনাটো নহ'লহেঁতেন।
Continue Reading
