ডিজিটেল ডেস্কঃ মধ্য প্ৰদেশ বিধানসভাৰ নিৰ্বাচনলৈ মাজত মাত্ৰ কেইটা মান দিন। এনে সময়তে ৰাজ্য খনত বিজেপি, কংগ্ৰেছকে ধৰি আন দলসমূহেও ব্যাপক প্ৰচাৰ চলাইছে। নিৰ্বাচনী প্ৰচাৰৰ সময়তে বিজেপি সমৰ্থকৰ এখন বাহন দুৰ্ঘটনাগ্ৰস্ত হোৱাত তিনি জন লোক নিহত হৈছে।
মধ্যপ্ৰদেশত বিজেপিৰ নিৰ্বাচনী প্ৰচাৰত ব্যৱহাৰ হোৱা এছইউভিখন পথৰ ওপৰতে লুটি খাই পৰে। এই দুৰ্ঘটনাত বাহন খনত থকা ৮ জন লোক গুৰুতৰ ভাবে আহত হয়। আহত সকলৰ ভিতৰৰে তিনি জনৰ শেহতীয়াকৈ মৃত্যু ঘটিছে। আহতসকল এখন চিকিৎসালয়ত চিকিৎসাধীন হৈ আছে।
দুৰ্ঘটনাটোৰ কাৰণ এতিয়াও জানিব পৰা হোৱা নাই। আৰক্ষীয়ে তদন্ত কৰি আছে।উল্লেখ্য মধ্য প্ৰদেশৰ বিধানসভা নিৰ্বাচন ১৭ নৱেম্বৰত অনুষ্ঠিত হ'ব। ৰাজ্যখনত প্ৰচাৰ পূৰ্ণ গতিত চলি আছে। আৰক্ষীয়ে জনোৱা অনুসৰি বিজেপি সমৰ্থকৰ বাহনৰ দুৰ্ঘটনাটো সাগৰ জিলাত সংঘটিত হৈছিল।
এছইউভিখনত মুঠ ৮ জন লোক আছিল। শনিবাৰে সন্ধিয়া গাড়ীখন হঠাতে বাৰ্গ্ৰান বৰখেদা আৰু জুন গাঁৱৰ মাজৰ ৰাস্তাত লুটি খাই পৰে। গাড়ীখনৰ সকলোৱে কম বেছি পৰিমাণে আঘাতপ্ৰাপ্ত হৈছিল। তেওঁলোকক উদ্ধাৰ কৰা হৈছিল আৰু এখন চিকিৎসালয়ত ভৰ্তি কৰোৱা হৈছিল। এতিয়া চিকিৎসাৰ সময়তে তিনিজন লোকৰ মৃত্যু ঘটাৰ বাতৰি আহিছে। বাকীসকলক একেখন চিকিৎসালয়তে চিকিৎসা কৰি থকা হৈছে।
Continue Reading
