ডিজিটেল ডেস্কঃমধ্যাহ্ন ভোজনত পৰিবেশন কৰা পুৰী-তৰকাৰী খোৱাৰ পিছতে দিল্লীৰ সৰ্বোদয় বাল বিদ্যালয়ৰ ৭০ গৰাকী শিক্ষাৰ্থী অসুস্থ হৈ পৰিছে। শিক্ষাৰ্থীসকলে পেটৰ বিষ আৰু বমিত আক্ৰান্ত হৈছে।
শুকুৰবাৰে সংঘটিত এই ঘটনাৰ পিছতে ৭০ গৰাকী শিক্ষাৰ্থীক ততাতৈয়াকৈ চিকিৎসালয়লৈ লৈ যোৱা হয় । দিল্লীৰ আৰক্ষী উপায়ুক্ত (দক্ষিণ-পশ্চিম) মনোজ চিয়ে কয় যে সাগৰপুৰ আৰক্ষী থানালৈ এটা ফোন আহিছিল, য'ত জনোৱা হৈছিল যে সাগৰপুৰৰ দুৰ্গাপাৰ্কৰ সৰ্বোদয় বাল বিদ্যালয়ত মধ্যাহ্ন ভোজন গ্ৰহণ কৰাৰ পিছত ষষ্ঠৰ পৰা অষ্টম শ্ৰেণীৰ প্ৰায় ৭০ জন ছাত্ৰ অসুস্থ হৈ পৰিছে।
আৰক্ষীৰ এটা দলে তৎক্ষণাৎ ঘটনাস্থলীত উপস্থিত হৈ শিক্ষাৰ্থীসকলক ডাবৰিৰ ডিডিইউ চিকিৎসালয় আৰু দাদা দেৱ চিকিৎসালয়লৈ স্থানান্তৰ কৰে। বিদ্যালয় কৰ্তৃপক্ষই জনোৱা অনুসৰি শিক্ষাৰ্থীসকলক মধ্যাহ্ন ভোজনৰ পিছত চয়া ৰস দিয়া হৈছিল। সেয়া খোৱাৰ পিছতে পেটৰ বিষ আৰু বমি আৰম্ভ হৈছিল।
মধ্যাহ্ন ভোজনত পুৰী-তৰকাৰী পৰিৱেশন কৰাৰ পিছত চয়াৰ ৰস দিয়া হৈছিল।
Continue Reading
