ডিজিটেল ডেস্কঃ মধ্যপ্ৰদেশৰ এগৰাকী মহিলা আৰক্ষী কনিষ্টবলক লিংগ পৰিৱৰ্তনৰ অনুমতি প্ৰদান কৰা হৈছে৷মঙলবাৰে এগৰাকী শীর্ষ বিষয়াই জনোৱা মতে, ৰাজ্য প্রশাসনে মধ্য প্রদেশৰ এগৰাকী মহিলা আৰক্ষী কনিষ্টবলৰ লিংগ সলনিৰ চিকিৎসাত অনুমোদন জনাইছে৷
এইদৰে ৰাটলাম জিলাত নিয়োজিত দীপিকা কোথাৰীয়েই হৈছে ৰাজ্যৰ দ্বিতীয়গৰাকী মহিলা কনিষ্টবল যিয়ে লিংগ পৰিৱৰ্তনৰ অনুমতি লাভ কৰিছে বুলি অতিৰিক্ত মুখ্য সচিব (গৃহ) ৰাজেশ ৰাজোৰাই জানিবলৈ দিয়ে।
সোমবাৰে প্ৰকাশিত এক নিৰ্দেশত ৰাজ্যৰ গৃহ বিভাগে ঘোষণা কৰে যে কোথাৰীৰ ‘লিংগ পৰিচয়ৰ সমস্যা’ আছে আৰু চিকিৎসাৰ প্ৰমাণৰ ভিত্তিত তেওঁক লিংগ পৰিৱৰ্তন কৰিবলৈ কৰ্তৃত্ব দিয়া হৈছে।এই আদেশত উল্লেখ কৰা হৈছে যে বৰ্তমান চৰকাৰী কৰ্মচাৰীৰ বাবে লিংগ পৰিৱৰ্তন অনুমোদন দিয়াৰ কোনো স্পষ্ট নিয়ম নাই।
ইয়াত উল্লেখ কৰা হৈছে যে এই বিষয়ত আইন বিভাগৰ পৰা মতামত লাভ কৰাৰ পাছত আৰু উচ্চতম ন্যায়ালয়ৰ ৰায়দানৰ পৰৱৰ্তী সময়তহে অনুমোদন দিয়া হৈছে।এই নিৰ্দেশৰ পাছত লিংগ সলনি কৰাৰ পাছত মহিলা কৰ্মচাৰীৰ বাবে সংৰক্ষিত সুবিধাৰ বাবে আৰু যোগ্য নহ’ব।
বিষয়াসকলৰ মতে, ২০২১ চনত আৰতী যাদৱ নামৰ আন এগৰাকী মহিলা কনিষ্টবলে একেধৰণৰ অনুমতি পত্ৰ লাভ কৰিছিল।
Continue Reading
