ডিজিটেল ডেস্কঃ চুবুৰীয়া ৰাজ্য মেঘালয়ত মঙলবাৰে পুৱা বুজন পৰিমাণৰ নিষিদ্ধ নিচাজাতীয় সামগ্ৰী জব্দ কৰিছে আৰক্ষীয়ে। গোপন তথ্যৰ ভিত্তিত ইষ্ট জয়ন্তীয়া হিলছ জিলাৰ লুমচুঙত অভিযান চলাই এখন চুম’ বাহনৰ গোপন চেম্বাৰৰ পৰা জব্দ কৰা হৈছে হেৰ'ইন।
শিলচৰৰ পৰা শ্বিলং অভিমুখী চুম' বাহনখনৰ পৰা হেৰʼইন জব্দ কৰে আৰক্ষীয়ে।
ইষ্ট জয়ন্তীয়া হিলছ জিলাৰ অতিৰিক্ত আৰক্ষী অধীক্ষক আৰু এএনটিএফ বাহিনীয়ে চলাইছিল ড্ৰাগছৰ বিৰুদ্ধে যুটীয়া অভিযান।
চুম'খনৰ পৰা হেৰ'ইন ভৰ্তি ৫৮ টা চাবোনৰ বাকচ উদ্ধাৰ কৰা হয়। এই বাকচ কেইটাৰ পৰা মুঠ ৬০৯ গ্ৰাম ওজনৰ হেৰ’ইনৰ জব্দ কৰা হয়।
জব্দ কৰা হেৰ’ইনখিনিৰ বজাৰ মূল্য ৫.৫ কোটি টকা বুলি সদৰী কৰিছে আৰক্ষীয়ে।
মেঘালয়ত নতুন ডিজিপি ইদাশিছা নংৰাঙে দায়িত্ব লোৱাৰ এদিন পিছত এইটোৱেই ড্ৰাগছৰ বিৰুদ্ধে প্ৰথমটো বৃহৎ সাফল্য।
নিষিদ্ধ হেৰ'ইন সৰবৰাহৰ অভিযোগত আৰক্ষীয়ে শ্বিলং মাণ্ডনৰিটিঙৰ লাল বিয়াকদিক বৈফেই নামৰ এজন ব্যক্তিক গ্ৰেপ্তাৰ কৰিছে।
লগতে টাটা চুম' আৰু এটা মোবাইল জব্দ কৰা হৈছে।
Continue Reading
