ডিজিটেল ডেস্কঃ মহাৰাষ্ট্ৰৰ শেহতীয়া ৰাজনৈতিক ঘটনাক্ৰমৰ পিছতে বিৰোধী মিত্ৰজোঁটৰ বৈঠক পিছুৱাই যাব পাৰে বুলি চৰ্চা চলি থকাৰ মাজতে কংগ্ৰেছে ঘোশণা কৰিলে বৈঠকৰ দিন তথা স্থান৷যদিও বাংগালুৰুত অনুষ্ঠিত হ’বলগীয়া বিৰোধী দলসমূহৰ বৈঠক পিছুৱাই দিয়াৰ কথা আছিল তাৰ মাজতে কংগ্ৰেছৰ নেতা কেচি বেণুগোপালে খৰখেদাকৈ বৈঠকৰ তাৰিখ ঘোষণা কৰিলে।
পূৰ্বে ১৪ জুলাইত বাংগালুৰুত বিজেপি বিৰোধী দলসমূহৰ দ্বিতীয় খন বৈঠক অনুষ্ঠিত হ'ব বুলি দিন নিৰ্ধাৰণ কৰা হৈছিল। শাৰদ পাৱাৰে নিজেই সেই তাৰিখটো ঘোষণা কৰিছিল। কিন্তু দেওবাৰে এনচিপিৰ শিবিৰত বৃহঞ ফাঁট মেলাৰ পিছতে বিৰোধীৰ বৈঠকত অনিশ্চয়তা আহি পৰিছিল৷এনচিপিৰ নেতা অজিত পাৱাৰে আন আঠজন বিধায়কৰ সৈতে দল ত্যাগ কৰিছিল আৰু এন ডি এৰ সৈতে হাত মিলাইছিল। তেওঁ মহাৰাষ্ট্ৰৰ উপ মুখ্যমন্ত্ৰী হিচাপেও শপত গ্ৰহণ কৰিছিল।
তেতিয়াই যেন বিৰোধী সমীকৰণটো কিছু সলনি হৈ পৰিছিল। এনে সময়তে বেণুগোপালে সোমবাৰে বিৰোধী মিত্ৰজোঁটৰ বৈঠকৰ দিন ঘোষণা কৰে৷ তেওঁ কয় যে ১৭ আৰু ১৮ জুলাইত বাংগালুৰুত অনুষ্ঠিত হ'ব বিৰোধী মিত্ৰজোঁটৰ দ্বিতীয় খন বৈঠক। পাটনাৰ বৈঠকত উপস্থিত থকা সকলো ৰাজনৈতিক দলকে কংগ্ৰেছে এই বৈঠকলৈ আমন্ত্ৰণ জনাইছে।অৱশ্যে পাটনাৰ বৈঠকত আপৰ নেতা তথা দিল্লীৰ মুখ্যমন্ত্ৰী অৰবিন্দ কেজৰিৱাল উপস্থিত আছিল যদিও বাংগালুৰুত অনুষ্ঠিত হ’বলগীয়া বৈঠকত কেজৰিৱাল উপস্থিত থকাৰ সম্ভাৱনা তেনেই ক্ষীণ বুলি বহুতে মন্তব্য কৰিছে ৷
Continue Reading
