ডিজিটেল ডেস্কঃ মহাৰাষ্ট্ৰৰ পৰা আহি পৰিছে এক হৃদয়বিদাৰক ঘটনা৷বুধবাৰে মহাৰাষ্ট্ৰৰ কল্যাণ আৰু ঠাকুৰলী ৰে’ল ষ্টেচনৰ মাজৰ ৰে’লপথৰ তলৰ উফন্দি উঠা নলাত পৰি পিতৃৰ কোলাৰ পৰা পিছলি পৰিল এটি চাৰি মহীয়া কেঁচুৱা। পিতৃয়ে কেঁচুৱাটোক ধৰি নলাৰ ওপৰৰ দলং এখনত খোজ কাঢ়ি গৈ থকা অৱস্থাত শিশুটি কোলাৰ পৰা পিছলি পৰে।
পিতৃয়ে যাত্ৰা কৰা অম্বৰনাথ স্থানীয় ৰেলখন ট্ৰেকত পানী জমা হোৱাৰ বাবে দুঘণ্টা ধৰি আবদ্ধ হৈ পৰে। কেঁচুৱাটোৰ পিতৃ-মাতৃয়ে দুঘণ্টা অপেক্ষা কৰি নলাৰ ওপৰেৰে এখন সৰু দলং পাৰ হ’বলৈ চেষ্টা কৰে। নলাৰ ওপৰেৰে খোজ কাঢ়ি গৈ থাকোঁতে কেঁচুৱাটো পিতৃৰ কোলাৰ পৰা পিছলি পৰি যায়।
কেঁচুৱাটো বিচাৰি উলিয়াবলৈ ৰে’ল আৰক্ষী আৰু পৌৰসভাৰ বিষয়াসকলে অভিযান চলাইছে।মহাৰাষ্ট্ৰৰ মুখ্যমন্ত্ৰী একনাথ সিন্দেই এই ঘটনাৰ প্ৰতিক্ৰিয়া প্ৰকাশ কৰি নিতান্তই প্ৰয়োজনীয় নোহোৱা পৰ্যন্ত ৰাইজক খোজ নিদিবলৈ আহ্বান জনায়। সকলো উদ্ধাৰকাৰী দল সষ্টম হৈ থকাৰ লগতে আন কোনো অপ্ৰীতিকৰ ঘটনা যাতে সংঘটিত নহয় তাৰ প্ৰতি লক্ষ্য ৰাখিবলৈ কোৱা হৈছে বুলি মুখ্যমন্ত্ৰীয়ে সংবাদ মাধ্যমক জানিবলৈ দিয়ে।
Continue Reading
