ডিজিটেল ডেস্কঃ মহাৰাষ্ট্ৰত উদ্ধাৰ হৈছে অসমৰ টেটু আৰ্টিষ্টৰ মৃতদেহ। প্ৰেমিকৰ বিৰুদ্ধে তেওঁক হত্যা কৰাৰ অভিযোগ উত্থাপন হৈছে। যুৱতীগৰাকীয়ে অনলাইনযোগে যুৱকজনৰ সৈতে কথা-বতৰা পাতিছিল। ছোৱালীজনীয়ে তেওঁক লগ কৰিবলৈ মহাৰাষ্ট্ৰৰ মূৰ্তিজাপুৰলৈ গৈছিল। তাতেই তেওঁক হত

Listen to Article

2 min read

80%

ডিজিটেল ডেস্কঃ মহাৰাষ্ট্ৰত উদ্ধাৰ হৈছে অসমৰ টেটু আৰ্টিষ্টৰ মৃতদেহ। প্ৰেমিকৰ বিৰুদ্ধে তেওঁক হত্যা কৰাৰ অভিযোগ উত্থাপন হৈছে। যুৱতীগৰাকীয়ে অনলাইনযোগে যুৱকজনৰ সৈতে কথা-বতৰা পাতিছিল। ছোৱালীজনীয়ে তেওঁক লগ কৰিবলৈ মহাৰাষ্ট্ৰৰ মূৰ্তিজাপুৰলৈ গৈছিল। তাতেই তেওঁক হত্যা কৰাৰ অভিযোগ। যুৱকজন পলাতক। আৰক্ষীয়ে তেওঁক বিচাৰি আছে।

আৰক্ষীৰ তথ্য অনুসৰি, মৃত কিশোৰীগৰাকীৰ নাম শান্তিৰিয়া কাশ্যপ ওৰফে কোৱেল (২৬)। অসমৰ বাসিন্দা যদিও বিগত কেইবছৰমানৰ পৰা মাতৃৰ সৈতে দিল্লীত বাস কৰিছিল। তাৰ পৰাই তেওঁ কামৰ সন্ধানত মুম্বাইলৈ গৈছিল। ইয়াৰ পিছত কুনাল ওৰফে ছানী শ্ৰিংগাৰৰ সৈতে অনলাইনত কথা-বতৰা পাতিছিল। তেওঁ মহাৰাষ্ট্ৰৰ আকোলা জিলাৰ মূৰ্তিজাপুৰ চহৰৰ বাসিন্দা। যুৱকজনে স্থানীয় বাৰ এখনত কাম কৰে। আৰক্ষীয়ে জানিব পাৰিলে যে অভিযুক্তই যুৱতীগৰাকীক তেওঁৰ পাবত চাকৰি দিয়াৰ প্ৰতিশ্ৰুতি দিছিল। সেই ভিত্তিতে ছোৱালীজনী তাৰ ঘৰত থাকিবলৈ গ’ল।

কিন্তু বাৰৰ মালিকে যুৱতীগৰাকীক চাকৰি দিব নোৱাৰিলে। যোৱা ২১ জুলাইৰ পৰা যুৱকজনৰ ঘৰত বাস কৰিছিল যুৱতীগৰাকী। চাকৰি নোপোৱাৰ বাবে তেওঁলোকৰ মাজত সমস্যাৰ সৃষ্টি হোৱা বুলি আৰক্ষীয়ে সন্দেহ প্ৰকাশ কৰিছে। যুৱকজনে হাতত পোৱা চোকা অস্ত্ৰৰে যুৱতীগৰাকীৰ মূৰত আঘাত কৰে। পিছত তাৰ পৰা পলায়ন কৰে। বুধবাৰে নিশা সংঘটিত হোৱা এই ঘটনাৰ পিছত বৃহস্পতিবাৰে পুৱা চুবুৰীয়াই সন্দেহজনক হৈ পৰাত আৰক্ষীক খবৰ দিয়ে। ঘটনাস্থলীত উপস্থিত হৈ কিশোৰীগৰাকীৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে।

আৰক্ষীয়ে ভাৰতীয় দণ্ডবিধিৰ ১০৩ ধাৰাত অভিযুক্তৰ বিৰুদ্ধে গোচৰ ৰুজু কৰিছে। এই গোচৰৰ মূল সন্দেহযুক্ত যুৱতীগৰাকীৰ প্ৰেমিক। তেওঁক বিচাৰিবলৈ এটা দল গঠন কৰা হৈছে।