মহাৰাষ্ট্ৰত ভূলুণ্ঠিত মানৱতা: টকাৰ অভাৱত এম্বুলেন্স নাপাই দেউতাকে পুত্ৰৰ মৃতদেহ লৈ গ’ল বাইকত

ডিজিটেল ডেস্ক: মহাৰাষ্ট্ৰৰ পালঘৰ জিলাত সংঘটিত হৈছে মানৱতাক ভূলুণ্ঠিত কৰা এক ঘটনা৷ জানিব পৰা মতে, জিলাখনৰ এখন জনজাতীয় গাঁৱৰ এজন ব্যক্তিয়ে এম্বুলেঞ্চৰ খৰচ বহন কৰিব নোৱাৰি তেওঁৰ ছবছৰীয়া পুত্ৰৰ মৃতদেহ কঢ়িয়াই নিবলগীয়া হ’ল বাইকত৷ লোকজনে তেওঁৰ ছবছৰীয়া পুত্ৰক ২৪ জানুৱাৰীত চিকিৎসালয়লৈ লৈ আহিছিল। তীব্ৰ জ্বৰত আক্ৰান্ত হোৱা বাবে শিশুটোক ট্ৰাম্বকেশ্বৰৰ এখন ব্যক্তিগত ক্লিনিকত ভৰ্তি কৰোৱা হৈছিল, তাৰ পাছত চিকিৎসকে তেওঁক শিশুটোক চৰকাৰী চিকিৎসালয়লৈ লৈ যাবলৈ পৰামৰ্শ দিছিল। পাছত শিশুটোৰ পিতৃয়ে প্ৰথমে তেওঁক মোখাদা চৰকাৰী চিকিৎসালয়লৈ লৈ গৈছিল আৰু পৰৱৰ্তী সময়ত তেওঁক জৱাহৰ গ্ৰামীণ চিকিৎসালয়লৈ লৈ গৈছিল। অৱশ্যে, এদিন পাছতে চিকিৎসাধীন সময়ত শিশুটোৰ মৃত্যু হয়। পাছত মৃত পুত্ৰক ঘৰলৈ নিবলৈ চিকিৎসালয়ত এম্বুলেন্সৰ ব্যৱস্থা কৰিবলৈ যথাসাধ্য চেষ্টা কৰিছিল পিতৃয়ে৷ কিন্তু, অসহায় পিতৃগৰাকীৰ ওচৰত টকা নাছিল বাবে তেওঁক কোনো বাহন দিয়া হোৱা নাছিল। অৱশেষত, বলপূৰ্বক দেউতাকে তেওঁৰ পুত্ৰৰ মৃতদেহ এখন বাইকত কঢ়িয়াই নিবলৈ সন্মত হ’ল। এই ঘটনা সংবাদমাধ্যমত ফাদিল হোৱাৰ পাছতেই উক্ত এম্বুলেন্সখনৰ দুজন চালকক নিলম্বন কৰা হৈছিল। পুত্ৰৰ মৃত্যুত ভাগি পৰা পিতৃয়ে তেওঁৰ ছবছৰীয়া পুত্ৰৰ মৃতদেহটো তেওঁৰ বাইকত বান্ধি নিশা ৪০ কিলোমিটাৰ দূৰত থকা তেওঁৰ ঘৰলৈ লৈ যায়।