ডিজিটেল ডেস্ক: শেহতীয়াকৈ চীনৰ বিজ্ঞানীসকলে দেশখনৰ আটাইতকৈ তেল সমৃদ্ধ অঞ্চল জিনজিয়াঙত দহ হাজাৰ মিটাৰ (৩২,৮০৮ ফুট) গভীৰতাত এটা গাঁত খনন আৰম্ভ কৰিছে। চীনৰ চৰকাৰী সংবাদ সংস্থা ছিনহুয়াই প্ৰকাশ কৰা অনুসৰি মঙলবাৰৰ পৰা জিনজিয়াঙত এতিয়ালৈকে হোৱা আটাইতকৈ গভীৰ ব’ৰহ’লৰ বাবে ড্ৰিলিং আৰম্ভ হৈছে। ইয়াৰ পূৰ্বে চীনে গোবি মৰুভূমিৰ পৰা প্ৰথম অসামৰিক মহাকাশ অভিযান আৰম্ভ কৰিছিল।
প্ৰতিবেদন অনুসৰি মাটিৰ ভিতৰৰ এই সংকীৰ্ণ খাদটোৱে ১০টাতকৈও অধিক মহাদেশীয় স্তৰ বা শিলৰ তৰপত ভেদ কৰি পৃথিৱীৰ খোলাৰ ক্ৰিটেচিয়াছ ব্যৱস্থাত উপনীত হ'ব বুলি বাতৰি প্ৰকাশ পাইছে। একে সময়তে চাইনিজ একাডেমী অৱ ইঞ্জিনিয়াৰিঙৰ বিজ্ঞানী ছান জিনচেঙে জিনহুয়াক কয় যে, “এই ড্ৰিলিং প্ৰকল্পৰ নিৰ্মাণৰ কঠিনতাক দুডাল পাতল তাৰত এখন ডাঙৰ ট্ৰাকৰ চলাৰ সৈতে তুলনা কৰিব পাৰি।”
উল্লেখযোগ্য যে ২০২১ চনত চীনৰ ৰাষ্ট্ৰপতি ছি জিনপিঙে তেওঁৰ বিজ্ঞানীসকলক পৃথিৱীৰ ভিতৰত অনুসন্ধান কৰিবলৈ আহ্বান জনাইছিল। এই আৱিষ্কাৰৰ পৰা পোৱা তথ্যৰ সহায়ত প্ৰধান খনিজ আৰু শক্তি সম্পদ চিনাক্ত কৰিব পাৰি আৰু ভূমিকম্প আৰু আগ্নেয়গিৰিৰ বিস্ফোৰণৰ দৰে পৰিৱেশ দুৰ্যোগৰ আশংকা মূল্যায়ন কৰিব পাৰি।
অৰ্থাৎ এই খননে খনিজ আৰু শক্তি সম্পদ চিনাক্ত কৰিব পাৰিব আৰু পৰিৱেশ দুৰ্যোগ, যেনে ভূমিকম্প আৰু আগ্নেয়গিৰিৰ বিস্ফোৰণৰ আশংকা মূল্যায়ন কৰাত সহায় কৰিব পাৰে।
একে সময়তে যদি চীনৰ এই ব’ৰৱেলৰ কাম সফল হয়, তেন্তে ই হ’ব পাৰে পৃথিৱীৰ ভিতৰৰ দ্বিতীয়টো আটাইতকৈ গভীৰ মানৱসৃষ্ট গাঁত। প্ৰথমটো হ’ল ৰাছিয়াৰ ৰাছিয়াৰ কোলা ছুপাৰডিপ ব’ৰহ’ল, যিটো ২০ বছৰ ধৰি ড্ৰিলিঙৰ পিছত ১৯৮৯ চনত ১২,২৬২ মিটাৰ (৪০,২৩০ ফুট) পৰ্যন্ত হয়।
Continue Reading
