মহানগৰীত ডেংগু ৰোগৰ প্ৰাদুৰ্ভাৱ, ইয়াৰ ঘৰুৱা প্ৰতিকাৰ জানো আহক...

প্লেটলেটৰ অভাৱ ডেংগু ৰোগীৰ বাবে এক ডাঙৰ সমস্যা, কাৰণ এই ৰোগে তেজত প্লেটলেটৰ সংখ্যা দ্ৰুতগতিত হ্ৰাস কৰে। ডেংগুৰ চিকিৎসাত বহুতো ঘৰুৱা উপায় সহায়ক হ’ব পাৰে আৰু তাৰ ভিতৰত এটা হ’ল অমিতা পাতৰ ৰস। এই পাতৰ ৰস সেৱন কৰিলে প্লেটলেটৰ অভাৱ তাৎক্ষণিকভাৱে পূৰণ হোৱাৰ উপৰি ডেংগু ৰোগীৰ বাবে ই অতি উপকাৰী বুলিব পাৰি। অমিতা পাতত যথেষ্ট পৰিমাণে মৌল পোৱা যায়, যিয়ে প্লেটলেটৰ সংখ্যা বৃদ্ধি কৰাত সহায় কৰে। ইয়াৰ ভিতৰত পেপেইন আৰু চাইমো-পেপেইন আদি এনজাইম আদিয়ে প্লেটলেট উৎপাদনত সহায়ক কৰে। তদুপৰি অমিতা পাতত ভিটামিন-চি আৰু এন্টিঅক্সিডেন্টো থাকে, যিয়ে শৰীৰৰ ৰোগ প্ৰতিৰোধ ক্ষমতা বৃদ্ধি কৰাৰ লগতে ডেংগু ভাইৰাছৰ বিৰুদ্ধে যুঁজ দিয়াত সহায় কৰে আৰু প্লেটলেটৰ মাত্ৰা সুস্থিৰ কৰি ৰাখে।

অমিতা পাতৰ ৰস উলিয়াই সেৱন কৰা আটাইতকৈ সহজ উপায়। ইয়াৰ বাবে কিছু সতেজ পাত ধুই পিহি ইয়াৰ পৰা ৰস উলিয়াব লাগে। ২-৩দিনৰ বাবে পুৱা-গধূলি এই পাতৰ ৰস সেৱন কৰিলে প্লেটলেটৰ সংখ্যা দ্ৰুতগতিত বৃদ্ধি হোৱাত সহায় কৰে। এই পাতৰ ৰস অত্যধিক তিতা হোৱাৰ বাবে ইয়াৰ লগত মৌ বা নেমুৰ ৰসো মিহলাই খাব পাৰি।

যদিও অমিতা পাতৰ ৰস প্লেটলেট বৃদ্ধি কৰাত উপকাৰী, তথাপিও ইয়াক খোৱাৰ সময়ত চিকিৎসকৰ পৰামৰ্শ লোৱাটো গুৰুত্বপূৰ্ণ। গৰ্ভৱতী মহিলা আৰু শিশুৱে চিকিৎসকৰ পৰামৰ্শ নোলোৱাকৈ এই ৰস গ্ৰহণৰ পৰা বিৰত থকা উচিত। ইয়াৰ বাহিৰেও অমিতা পাতৰ ৰস অতিমাত্ৰা সেৱন কৰিলে পেটৰ সমস্যা হ’ব পাৰে, গতিকে চিকিৎসকৰ পৰামৰ্শ অনুসৰি সীমিত পৰিমাণতহে খোৱা উচিত।