মহাশিৱৰাত্ৰিত কি কি মন্ত্ৰৰে উপাসনা কৰিলে সন্তুষ্ট হ’ব ভোলানাথ?

ডিজিটেল ডেস্ক : কাইলৈ সমগ্ৰ দেশতে মহাশিৱৰাত্ৰি উৎসৱ উদযাপন কৰা হ’ব। এই পূজাৰ দিনটোত উপবাসে থাকি শিৱক কৰা হ’ব পূজা-অৰ্চনা। শিৱ অলপ গংগাজল আৰু বেলপাততে সন্তুষ্ট হয়। দেৱতা ভেদে উপাসনা কৰা বিধি পৃথক-জটিল, বৈচিত্ৰ্যপূৰ্ণ, দীঘল। কিন্তু শিৱ পূজা সদায় সৰল। শিৱৰাত্ৰিৰ নিশা, চাৰিটা প্ৰহৰত কৰা হয় শিৱক উপসানা। চাৰিটা প্ৰহৰৰ চাৰিটা মন্ত্ৰও আছে। সেই মন্ত্ৰেৰে উপাসনা কৰা হয় শিৱক৷ শাস্ত্ৰ অনুসৰি, প্ৰথম প্ৰহৰৰ মন্ত্ৰ হৈছে ‘হৰিং ঈশানাত নমঃ’। এই মন্ত্ৰ জপ্ কৰাৰ লগতে মহাদেৱক গাখীৰেৰে অভিসিক্ত কৰা হয়৷ ইয়াক প্ৰাথমিক নিয়ম বুলিও কোৱা হয়। তাৰ পাছত আহে দ্বিতীয়টো মন্ত্ৰ। সেইটো হৈছে- ‘হিং অঘোৰা’ৰ মন্ত্ৰ। এই মন্ত্ৰ উচ্চাৰণ কৰি দৈৰে মহেশ্বৰৰ অভিষেক কৰিব লাগে৷ এই প্ৰথাটোত শিৱ অভিষেকৰ বাবে গুৰুত্বপূৰ্ণ। তৃতীয় প্ৰহৰৰ মন্ত্ৰ হৈছে - ‘হৰিং বামদেৱত নমঃ’। এই মন্ত্ৰ উচ্চাৰণ কৰি, ঘিউৰ সৈতে শিৱৰ অভিষেক সম্পন্ন কৰা হয়। তাৰপাছত আহে চতুৰ্থ প্ৰহাৰৰ মন্ত্ৰ। সেয়া হ’ল - ‘হৰি সাধ্যোজাতায় নমঃ’। দেৱদিদেৱক এই মন্ত্ৰ জপ্ কৰি মৌৰে অভিসিক্ত কৰা হয়। শিৱক কৰা পুষ্পাঞ্জলিৰ নিয়ম সুকীয়া। অঞ্জলিৰ সময়ত মন্ত্ৰ উচ্চাৰণ কৰি চন্দন, ফুল আৰু বেলপাতৰ সৈতে এক, তিনি বা পাঁচবাৰ দিব লাগিব। পুষ্পঞ্জলিৰ মন্ত্ৰ এনেধৰণৰ: ‘ওঁ নমো শিবায় এষ সচন্দনপুষ্পবিল্বপত্রাঞ্জলি নমো শিবায় নমঃ।’ কোৱা হয় যে এনেদৰে, প্ৰণালীবদ্ধভাৱে পূজা কৰি মহাদেৱৰ আশীৰ্বাদ লাভ কৰিব পাৰি।