ডিজিটেল ডেস্কঃ আজি গান্ধী জয়ন্তী৷জাতিৰ পিতা মহাত্মা গান্ধী ওপজা দিন৷মহামানৱ মহাত্মা গান্ধীৰ জীৱনশৈলী আছিল অতি সাধাৰণ৷তেওঁৰ পিন্ধনতো আছিল এখন সামান্য ধূতি৷ঠিক একেদৰে গান্ধীয়েও খাইছিল একেবাৰেই সাধাৰণ নিৰামিষ খাদ্যভাস৷
গান্ধীয়ে গৰু আৰু ম’হৰ গাখীৰ সেৱন নকৰাৰ প্ৰতিজ্ঞা কৰিছিল কাৰণ পশুৰ ওপৰত মানৱীয় নিষ্ঠুৰতাৰ প্ৰতিবাদ কৰিছিল। কিন্তু অৱশেষত তেওঁক পত্নী আৰু ডাক্তৰে বুজনি দিয়াৰ বাবে ছাগলীৰ গাখীৰ খাবলৈ আৰম্ভ কৰে। তেতিয়াৰ পৰাই তেওঁৰ শিষ্য আৰু পৰিয়ালে ছাগলীৰ গাখীৰৰ অবিৰত যোগান নিশ্চিত কৰিবলগীয়া হৈছিল, তদুপৰি গান্ধীজী ইংলেণ্ডলৈ যোৱাৰ সময়ত দুটা ছাগলী লগত লৈ যায়। এই সন্দৰ্ভত সৰোজিনী নাইডুৱে এবাৰ গান্ধীক মস্কৰা কৰি কৈছিল- "গান্ধীজীক সবল অৱস্থাত ৰখাটো এটা ব্যয়বহুল কাম হৈ পৰিছে।"
মহাত্মা গান্ধী আৰু তেওঁৰ ছাগলী আন্তঃৰাষ্ট্ৰীয় পৰ্যায়তো বিখ্যাত হৈ পৰিছিল৷সেইবাবেই তেওঁ ১৯৩১ চনৰ ঘূৰণীয়া মেজমেলৰ বাবে দুটা ছাগলী লৈ লণ্ডনলৈ যাত্ৰা কৰিছিল, যিয়ে ইউৰোপীয় সংবাদ মাধ্যমক যথেষ্ট আনন্দিত কৰি তুলিছিল। মহাত্মা গান্ধীৰ আটাইতকৈ বিখ্যাত ছাগলীটোৰ নাম আছিল নিৰ্মলা, যাৰ ১৯৪৭ চনত মৃত্যুৱে আনকি আমেৰিকাৰ বিভিন্ন বাতৰি কাকততো স্থান লাভ কৰিছিল!
Continue Reading
