ডিজিটেল ডেস্কঃ এই বৰ্ষৰ পৰা আৰম্ভ হৈছে মহিলাৰ আই পি এল (মহিলা প্ৰিমিয়াৰ লীগ)। প্ৰতিযোগিতাৰ পৰা ব’ৰ্ডৰ আয় প্ৰায় ৪০০ কোটি টকা। ব’ৰ্ডৰ বাৰ্ষিক সাধাৰণ সভাত এই কথা কয় কোষাধ্যক্ষ আশীষ শ্বেলাৰে।
মাৰ্চ মাহত পাঁচটা দলৰ সৈতে অনুষ্ঠিত হৈছিল মহিলাৰ আই পি এল। সেই প্ৰতিযোগিতাৰ পৰা ব’ৰ্ডে উপাৰ্জন কৰিছিল ৩৭৭ কোটি ৪৯ লাখ টকা। ২০২২-২৩ বিত্তীয় বৰ্ষত যিটো ব’ৰ্ডৰ আয়ৰ ৬ শতাংশ। ল’ৰাৰ আই পি এলৰ পৰা বাৰ্ষিক আয়ৰ ৩৭ শতাংশ লাভ কৰে ব’ৰ্ডে। এই সংখ্যা ২৪০০ কোটি। সম্প্ৰচাৰৰ অধিকাৰ বিক্ৰী কৰি বিচিচিআইয়ে ৩৮ শতাংশ উপাৰ্জন কৰে।
বিদেশ ভ্ৰমণৰ পৰা জ্যেষ্ঠ দলৰ আয়ৰ ১০ শতাংশ। ২০২২-২৩ চনত ব’ৰ্ডৰ মুঠ আয় ৬৫৫৮ কোটি ৮০ লাখ টকা। ২০২১-২২ বিত্তীয় বৰ্ষত যিটো আছিল ৪৩৬০ কোটি ৫৭ কোটি টকা।
সোমবাৰে গোৱাত অনুষ্ঠিত হয় ব’ৰ্ডৰ বাৰ্ষিক বৈঠক। ৰাজ্যিক ক্ৰিকেট সংস্থা এটাৰ মুৰব্বীৰ মতে, শ্বেলাৰে ব’ৰ্ডৰ সেই বৈঠকত কৈছিল, “যেতিয়া মোক দায়িত্ব দিয়া হৈছিল, তেতিয়া ব’ৰ্ডৰ অৱস্থা আছিল অতি ভাল। ইয়াক আগুৱাই নিয়াটো মোৰ কৰ্তব্য আছিল। আমি এতিয়া য’ত থিয় দিছো সেয়া সম্ভৱ হৈছে কেৱল সকলোৱে মিলি কাম কৰাৰ বাবে।”
Continue Reading
