ডিজিটেল ডেস্কঃ স্তম্ভিত দেশ! NCRBৰ তথ্যই এইবাৰ উদঙাইছে দেশৰ আগশাৰীৰ চহৰ বেংগালুৰুৰ নাৰী সুৰক্ষাৰ ৰূপ৷নেশ্যনেল ক্ৰাইম ৰেকৰ্ডছ ব্যুৰোৱে প্ৰকাশ কৰা শেহতীয়া প্ৰতিবেদনত কোৱা হৈছে যে ২০২২ চনত কৰ্ণাটকৰ ৰাজধানী বেংগালুৰুত মহিলাৰ বিৰুদ্ধে সৰ্বাধিক এছিড আক্ৰমণ সংঘটিত হৈছে।NCRBৰ মতে বেংগালুৰু চহৰ আৰক্ষীয়ে ৮টা গোচৰ ৰুজু কৰিছে৷
এনডিটিভিৰ প্ৰতিবেদন অনুসৰি, এনচিআৰবিৰ তথ্যত তালিকাভুক্ত ১৯খন মহানগৰৰ ভিতৰত বেংগালুৰু শীৰ্ষত আছিল আৰু যোৱা বছৰ আঠগৰাকী মহিলা এছিড আক্ৰমণৰ বলি হৈছিল। দ্বিতীয় স্থানত আছিল দিল্লী, য’ত ২০২২ চনত এচিড আক্ৰমণৰ বলি হৈছিল ৭ গৰাকী মহিলা। ইয়াৰ পাছতেই আহমেদাবাদ এনেধৰণৰ ৫টা ঘটনাৰে তৃতীয় স্থানত থাকিল।
তদুপৰি এই সময়ছোৱাত হায়দৰাবাদ আৰু আহমেদাবাদৰ দৰে মহানগৰত ২০২২ চনত এনে ২টা আক্ৰমণৰ চেষ্টাৰ গোচৰ ৰেকৰ্ড কৰা হৈছে।যোৱা বছৰ বেংগালুৰুক জোকাৰি যোৱা এচিড আক্ৰমণৰ অন্যতম গোচৰ আছিল এম.কম অধ্যয়নৰত এগৰাকী ২৪ বছৰীয়া যুৱতীক ২৮ এপ্ৰিলত কামলৈ যোৱাৰ সময়ত আক্ৰমণ কৰিছিল। আৰক্ষীৰ মতে, অভিযুক্তই বহু বছৰ ধৰি ছোৱালীজনীক খেদি ফুৰিছিল।
২০২২ চনৰ ১০ জুনত আন এক অনুৰূপ গোচৰ পোহৰলৈ আহিছিল, য’ত এজন লোকে প্ৰেমিকাৰ বিবাহৰ প্ৰস্তাৱ নাকচ কৰাৰ পাছত যুৱতীগৰাকীৰ মুখত এছিড নিক্ষেপ কৰাৰ অভিযোগ উত্থাপন হৈছিল।
Continue Reading
