ডিজিটেল ডেস্ক
যৌন উৎপীড়নৰ এক অভিযোগত লেখক তথা সমাজকৰ্মী সিৱিক চন্দনৰ অস্থায়ী জামিন দিয়াৰ সময়ত কেৰালা উচ্চ ন্যায়ালয়ে ঘোষণা কৰে যে , ভাৰতীয় দণ্ড বিধিৰ ধাৰা ৩৫৪(ক)(যৌন উৎপীড়ন) অনুসৰি, মহিলাই “যৌন উত্তেজক কাপোৰ ” পিন্ধাৰ সময়ত সংঘটিত অপৰাধ প্ৰথম দৃষ্টিত বিচাৰ কৰা নহ’ব৷
চলিত বৰ্ষৰে ৮ ফেব্ৰুৱাৰী তাৰিখে সিৱিক চন্দনৰ বিৰুদ্ধে এগৰাকী মহিলাই যৌন উৎপীড়নৰ অভিযোগ আনিছিল৷ অভিযোগ অনুসৰি এই ঘটনাটো সংঘটিত হৈছিল কোঝীকোড জিলাৰ এক কেম্পত। য’ত চন্দনে ফটোগ্ৰাফী সম্পৰ্কীয় কাম কৰিছিল। আন অংশ গ্ৰহণকাৰী সকল উভতি যোৱাৰ পিছত অভিযোগ কৰা মহিলা গৰাকীক চন্দনে হাতত ধৰি বলপূৰ্বকভাৱে এক নিৰ্জন ঠাইলৈ লৈ যায়। চন্দনে মহিলা গৰাকীৰ শৰীৰৰ গোপনীয় স্থানত তেওঁৰ অনুমতি অবিহনে স্পৰ্শ কৰে আৰু যৌন উৎপীড়ন চলায়৷ এই মহিলা গৰাকীয়ে সিৱিক চন্দনৰ বিৰুদ্ধে যোৱা ২৯ জুলাইত অভিযোগ দাখিল কৰিছিল৷
এই গোচৰ ভাৰতীয় পেনাল ক’ডৰ ৩৫৪ ক(২),৩৪১ আৰু ৩৫৪ অনুসৰি ৰুজু কৰা হৈছিল। চন্দনক অস্থায়ী জামিন প্ৰদান কৰি ন্যায়াধীশ এছ কৃষ্ণা কুমাৰে কয় যে, এই ধাৰাটোক আকৰ্ষিত কৰাত শাৰীৰিক সংস্পৰ্শ আৰু স্পষ্ট যৌন প্ৰস্তাৱ আছিল৷ লগতে যৌনগন্ধী ইংগিতো আছিল৷
সিৱিক চন্দনৰ দাখিল কৰা মহিলা গৰাকীৰ ফটোৰ পৰা গম পোৱা যায় যে তেওঁ নিজেই যৌন উত্তেজক কাপোৰ পৰিধান কৰিছিল৷ এইবুলিও ন্যায়াধীশ জনে মন্তব্য দিয়ে৷ লগতে জনায় যে ধাৰা ৩৫৪ অনুসৰি প্ৰথম দৃষ্টিতেই ন্যায়ালয়ৰ অভিযুক্তজনৰ বিপক্ষে থিয় নহয় ৷
উল্লেখযোগ্য যে অভিযুক্তজন শাৰীৰিকভাৱে অক্ষম আৰু তেওঁৰ বয়স ৭৪ বছৰ। গতিকে ন্যায়ালয়ে সিৱিক চন্দনে মহিলা গৰাকীক বলপূৰ্বকভাৱে কোলাত বহুওৱা আৰু বুকু স্পৰ্শ কৰা কাৰ্যক অসম্ভৱ বুলি ৰায়দান দিয়ে৷ আৰু সেই বাবেই অভিযুক্তজনৰ জামিন মঞ্জুৰ কৰে ন্যায়ালয়ে৷
কেৰালা উচ্চ ন্যায়ালয়ৰ এই ৰায়ে সামগ্ৰিকভাৱে সমগ্ৰ দেশতে প্ৰভাৱ পেলাইছে৷ লগতে বহু নাৰীবাদী লোক এই ৰায়ত বিতুষ্ট হৈ পৰিছে৷
Continue Reading
