মহুৱাৰ ভৱিষ্যত কি? সোমবাৰে এথিক্স সমিতিয়ে লোকসভাত প্ৰতিবেদন দাখিলৰ সম্ভাৱনা

যদি এথিক্স সমিতিৰ প্ৰতিবেদনৰ সপক্ষে অধিক ভোট দিয়া হয়, তেন্তে মৈত্ৰক  সাংসদ হিচাপে অযোগ্য ঘোষণা কৰা হ'ব। ইফালে, সৰ্বদলীয় বৈঠক সোমবাৰে অনুষ্ঠিত  হ'ব ৷  মহুৱাৰ  সমস্যাটো তাতো উত্থাপিত হ'ব বুলি আশা কৰা হৈছে।সংসদত আদানীৰ বিৰুদ্ধে প্ৰশ্ন কৰিবলৈ টকাকে ধৰি আন বহু সুবিধা গ্ৰহণ কৰিছিল বুলি মহুৱাৰ বিৰুদ্ধে অভিযোগ আনিছিল উদ্যোগপতি দৰ্শন হিৰানন্দনীয়ে । মহুৱাৰ বিৰুদ্ধে এনে বিস্ফোৰক অভিযোগ উত্থাপন হোৱাৰ সময়তে মহুৱা মৈত্ৰই শনিবাৰে এক্স হেণ্ডেলত তীব্ৰ প্ৰতিক্ৰিয়া ব্যক্ত কৰিছে। সংবাদ মাধ্যমত প্ৰচাৰিত এক বিবৃতিত হিৰানন্দনীয়ে দাবী কৰে যে মহুয়াই ব্যৱসায়িক লাভালাভ প্ৰদানৰ নামত তেওঁৰ পৰা বহু  সুবিধা লৈছিল। অৱশ্যে টিএমচিৰ সাংসদগৰাকীয়ে  বিবৃতিটোৰ সত্যতা সন্দৰ্ভত প্ৰশ্ন উত্থাপন কৰিছে।