মই আগৰ দৰে আন্দোলন কৰিবলৈ নিবিচাৰোঃ জুবিন গাৰ্গ

ডিজিটেল ডেস্ক : ‘‘কা, আমাৰ হৃদয়ত আছে৷ মই মোৰ স্থিতিত অটল আছো…”- এই মন্তব্য যুৱ-প্ৰজন্মৰ হাৰ্টথ্ৰব জুবিন গাৰ্গৰ৷ চিৰাঙৰ ‘ছিগনেট হোটেল’ত উপস্থিত হৈ এই মন্তব্য জুবিনৰ৷ উল্লেখ্য যে, যি সময়ত ৰাজনৈতিক স্বাৰ্থতেই হওক বা ব্যক্তিগত স্বাৰ্থতেই হওক বহু নামী-দামী শিল্পীয়ে সলনি কৰিছিল নিজৰ স্থিতি৷ আজিৰ পৰা দুবছৰ আগত জনতাৰ সৈতে বহি মূৰত গামোচা মাৰি ‘‘কা, আমি নামানো…”- বুলি চিঞৰিছিল অসমীয়াই৷ এই আন্দোলনত কঁপি উঠিছিল সমগ্ৰ বিশ্ব৷ “নুশুনু, নামানো, নিবিচাৰো” - এটাই যেন ধ্বনি আছিল তেওঁলোকৰ৷ এই আন্দোলনত আৰক্ষীৰ গুলী বুকুপাতি লৈছিল ৫জনকৈ বীৰ যুৱকে৷ স্পব্ধ হৈ পৰিছিল সমগ্ৰ অসম৷ ইণ্টাৰনেট সেৱাও অচল কৰি পেলাইছিল৷ যেন এক হিটলাৰী শাসনহে চলাইছিল অসমীয়াৰ ওপৰত৷ সেই ভয়াৱহ দিনে দুবছৰ অতিক্ৰম কৰিলে৷ বিভিন্নজনে নিজৰ স্থিতি সলনি কৰিলেও সাধাৰণ অসমীয়া অটল আছে নিজৰ স্থিতিত৷ তাৰ ভিতৰত এনে কিছুমান শিল্পী আছে যিয়ে আজিও মুকলিকৈ বিৰোধিতা কৰিছে আহিছে৷

উল্লেখ্য সোমবাৰে নিশা এটি গানৰ ছুটিঙৰ বাবে চিৰাঙত উপস্থিত হৈ ‘কা’ৰ সন্দৰ্ভত কিছু কথা ব্যক্ত কৰে৷ তেওঁ কয় যে, ‘‘কা আন্দোলন আমাৰ মনত আছে৷ মই আগৰ দৰে আন্দোলন কৰিবলৈ নিবিচাৰো৷’’ লগতে তেওঁ এইবুলিও কয় যে, “আগৰ আন্দোলনত বহুত বেয়াৰ পিনে ঢাল খাইছিল৷ যাৰ ফলত আমাৰ যুৱকে প্ৰাণ হেৰুৱাব লগা হয়৷ এতিয়া আৰু হেৰুৱাব মন নাই। আমি বুজিলেই হ’ল ‘কা’খন অসমীয়াৰ বাবে এক ব্যাধি৷’

শেহতীয়াকৈ দেশজুৰি চৰ্চিত হোৱা অভিশপ্ত ৩খন কৃষি আইন বাতিল কৰাৰ পাছত প্ৰশংগলৈ আহিছে কা আন্দোলন৷ ইয়াৰ বাবে বিভিন্নজনে ভিন্ন মতামত আগবঢ়াইছে৷ এনে সময়তে জনিপ্ৰয় শিল্পী জুবিনে কৰা চিৰাঙত কা সম্পৰ্কীয় কিছু মন্তব্য আগবঢ়ায়৷ পূৰ্বতেও তেওঁ ডিজিটেল কা আন্দোলনত নামিব বুলি কৰা মন্তব্যই চৰ্চা লাভ কৰিছিল।