ডিজিটেল ডেস্কঃ সংঘৰ্ষৰ মাজতে মিজোৰামত ম্যানমাৰৰ সেনাজোৱানক আটক কৰা হয়৷জনপ্ৰতিৰক্ষা বাহিনীয়ে খেদি খেদি ম্যানমাৰ সীমান্ত অবৈধভাৱে পাৰ হোৱাৰ অপৰাধত মিজোৰামৰ জোখোৱাথাৰ আৰক্ষী থানাত কমেও ৩৯ জন ম্যানমাৰ সেনাক আটক কৰে।
স্থানীয় সূত্ৰই জনোৱা মতে, ম্যানমাৰ সেনাৰ দুয়োটা শিবিৰতে প্ৰায় ৬০ জনকৈ সেনা জোৱান আছিল। পিডিএফৰ জৰিয়তে দুটা শিবিৰত ম্যানমাৰ সেনাবাহিনীৰ গৰিষ্ঠসংখ্যক জোৱান নিহত হোৱাৰ খবৰ পোৱা গৈছে। ম্যানমাৰ সেনাই জেট যুঁজাৰু বিমান আৰু হেলিকপ্টাৰ ব্যৱহাৰ কৰাৰ পাছতো পিডিএফ যুঁজাৰু বিমানে মিজোৰাম সীমান্তত ম্যানমাৰৰ দুটা শিবিৰ দখল কৰিছে।কালিৰে পৰা ইয়ং মিজো এছ’চিয়েশ্যনে শৰণাৰ্থী আৰু গুলীচালনাত আহতসকলক সক্ৰিয়ভাৱে চোৱা-চিতা কৰি আহিছে। ৱাই এম এৰ উপ মুখ্য কাৰ্যালয় চম্পাইয়ে আহত ব্যক্তিৰ বাবে ৪২ ইউনিট ৰক্ত দান কৰে।ইফালে সাধাৰণ নাগৰিককে ধৰি ২১ জন আহতক চম্পাই জিলা চিকিৎসালয়লৈ লৈ যোৱা হয়,তদুপৰি জোখোৱাথাৰৰ পৰা চিকিৎসালয়লৈ যোৱাৰ পথত ১ জনৰ মৃত্যু হয়।
গুৰুতৰভাৱে আহত ৮ জন লোকক উন্নত চিকিৎসাৰ বাবে আইজললৈ প্ৰেৰণ কৰা হৈছে। ইতিমধ্যে পাঁচজন আইজলত উপস্থিত হয়। তেওঁলোকক ট্ৰিনিটি হাস্পতাল আৰু এবেনেজাৰ হাস্পতালত ভৰ্তি কৰোৱা হয়। চেণ্ট্ৰেল ইয়ং মিজো এছ’চিয়েশ্যনৰ নেতাসকলে আইজলত তেওঁলোকক গ্ৰহণ কৰে।
Continue Reading
