ডিজিটেল ডেস্কঃ মিজোৰামত সংঘটিত হৈছে শোকাৱহ পথ দুৰ্ঘটনা। পিকআপ ভান আৰু ট্ৰাকৰ মাজত মুখামুখি সংঘৰ্ষ। এই দুৰ্ঘটনাত ৫ জন লোক নিহত হয়। ৬ জন লোক গুৰুতৰভাৱে আহত হয়।
মিজোৰামৰ মামিত জিলাৰ পশ্চিম ফেলেং চহৰত এই শোকাৱহ পথ দুৰ্ঘটনা সংঘটিত হৈছে। এখন পিকআপ ভান আৰু ট্ৰাকৰ মাজত মুখামুখি সংঘৰ্ষ হোৱাৰ ফলতে এই দুৰ্ঘটনা সংঘটিত হয়। ফলত ৫ জন লোকৰ মৃত্যু হয়। জানিব পৰা মতে ৰাজীৱ নগৰৰ পৰা মাৰপাৰালৈ গৈ আছিল পিকআপ ভান খন। সেই সময়তে ট্ৰাকখনৰ সৈতে মুখামুখি সংঘৰ্ষ হয়। ২৪ জন লোকক কঢ়িয়াই আনিছিল বাহনখনে।
দুৰ্ঘটনাটোৰ ফলত থিতাতে তিনিজন লোকৰ মৃত্যু হয়। ঘটনাস্থলীত আৰক্ষীৰ লোক উপস্থিত হৈ আহত ৩ জনক চিকিৎসালয়লৈ প্ৰেৰণ কৰে। কিন্তু চিকিৎসালয়লৈ নিয়াৰ পথতেই আন দুজনৰ মৃত্যু হয়।
মৃত লোকসকলক দেৱ কুমাৰ চাকমা, বোনোমোটা, আয়ুশী চাকমা, চিকি চাকমা আৰু কাজলা বুলি চিনাক্ত কৰা হৈছে। আৰু আন এজন চিকিৎসাধীন অৱস্থাত আছে। গুৰুতৰভাৱে আহত ৬ জনক আইজলৰ অসামৰিক চিকিৎসালয়লৈ অনা হয়।
দুৰ্ঘটনাটোৰ পিছতে মিজোৰামৰ আগশাৰীৰ এন জি অ’ ইয়ং মিজো এছ’চিয়েশ্যনৰ সদস্যসকল মানুহকেইজনৰ উদ্ধাৰৰ বাবে আগবাঢ়ি আহে। এই ঘটনাই সমগ্ৰ অঞ্চলজুৰি গভীৰ শোকৰ ছাঁ পেলাইছে। সকলোৱে আহত কেইজনৰ আশু আৰোগ্য কামনা কৰিছে।
Continue Reading
