‘মিষ্টাৰ ইণ্ডিয়া’ৰ সংসাৰতো কেৰোণ! কোন মোহিনীয়ে মুহিলে অনিল কাপুৰক?

নতুন দিল্লীঃ ‘মিষ্টাৰ ইণ্ডিয়া’ৰ সংসাৰতো লাগিল কেনা...সামান্থা প্ৰভু-নাগা চৈতন্যৰ বিচ্ছেদ! প্ৰিয়ংকা চোপ্ৰা-নিক জোনাছৰ বিবাহ-বিচ্ছেহক লৈয়ো এতিয়া বলীউড এৰিনাত চলিছে নানা জল্পনা-কল্পনা! এইবাৰ এই তালিকাত সাঙোৰ খাইছে অনিল কাপুৰ-সুনীতা কাপুৰৰ নাম। সম্প্ৰতি বলীউডত এনেধৰণৰ কথা-বতৰাই সৰ্বাধিক প্ৰাধান্য পোৱা দেখিবলৈ পোৱা গৈছে। 'মিষ্টাৰ ইণ্ডিয়া'ইয়ো এইবাৰ দীৰ্ঘদিনীয়া সম্পৰ্কৰ বান্ধোনৰ পৰা মুক্তি বিচাৰিছে বুলি অনুৰাগীৰ মাজত গুঞ্জন শুনিবলৈ পোৱা গৈছে। বিষয়টোক লৈ হৈছে চৰ্চা। অনিল কাপুৰৰ সংসাৰতো এনেধৰণৰ কথাই ক্ৰিয়া কৰা বাবে দোষাৰোপ কৰা হৈছে বিতৰ্কিত অভিনেত্ৰী কংগনা ৰানাৱটক। সকলোৰে মনত প্ৰশ্ন উঠিছে যে, অনিল-সুনীতাৰ সঁচাকৈয়ে বিচ্ছেদ হৈছে নেকি?

বলীউডত কিয় ‘মিষ্টাৰ ইণ্ডিয়া’ৰ সংসাৰক লৈ এনেধৰৰ গুঞ্জন উঠিছে? পোহৰলৈ আহিছে কেতবোৰ চাঞ্চল্যকৰ তথ্য। জানিবলৈ পোৱা মতে, অনিল আৰু কংগনা ৰানাৱটে আজিৰ পৰা কেইবাবছৰ আগতে দূৰদৰ্শনৰ এটা অনুষ্ঠানৰ অতিথি হৈছিল। অনুষ্ঠানটোৰ আঁত ধৰিছিল কৰণ জোহৰে। সেই অনুষ্ঠানটোতে কৰণ জোহৰে অনিল কাপুৰক সুধিছিল যে, ‘কোনগৰাকী মহিলাৰ বাবে অনিলে তেওঁৰ পত্নীক ত্যাগ কৰিবলৈ ইচ্ছুক?' অনিলে লগে লগে তেওঁৰ কাষত বহি থকা কংগনা ৰানাৱটৰ নামটো কৈছিল। তাকে লৈ কংগনাক ঠাট্টা কৰিছিল কৰণ জোহৰে। লাজত ৰঙা পৰি গৈছিল বলীউড কণ্ট্ৰভাৰ্ছী কুইন কংগনাৰ দুগাল। শেহতীয়াকৈ, এই ঘটনাটোক কেন্দ্ৰ কৰিয়েই নানা গুজৱ সৃষ্টি হোৱা দেখিবলৈ পোৱা গৈছে। অৱশ্যে এই ঘটনাটোক কেন্দ্ৰ কৰি কোনোধৰণৰ মন্তব্য কৰাৰ পৰা বিৰত আছে কাপুৰ দম্পতীয়ে।