ডিজিটেল ডেস্কঃ আমেৰিকাৰ বষ্টনৰ বাসিন্দা বেকী টেংগাৰে হাঁহিলে সকলোৱে আপ্লুত হোৱাটো বিচাৰিছিল। বাস্তৱত বেকিৰ মুখত হাঁহিলে কোনো টোল নপৰে। অৱশ্যে অৱশেষত অস্ত্ৰোপচাৰৰ অন্তত ২৯ বছৰীয়া বেকীয়ে নিজৰ সপোন পূৰণ কৰিলে। এই অস্ত্ৰোপচাৰৰ বাবে তেওঁৰ ১৫০০ ডলাৰ (ভাৰতীয় মুদ্ৰাত প্ৰায় ১ লাখ ২২ হাজাৰ টকা) খৰচ হৈছিল।
বেকীৰ সৰুৰে পৰাই এনেকুৱা এটা সপোন আছিল। ১৭ বছৰ বয়সত বেকীৰ এজন বন্ধুৱে তাইক গালত পিয়েৰ্চিং কৰাবলৈ ধাৰণা দিছিল। সেইবাৰ দুয়োখন গালত পিয়েৰ্চিং কৰাও হৈছিল। কিন্তু তিনি মাহ পিছত তেওঁ পিয়েৰ্চিং খুলি দিলে।
ডাঙৰ হৈ অহাৰ লগে লগে বেকীৰ সেই চখ আকৌ বাঢ়ি আহিল। তেওঁৰ এজন বন্ধুৰ পৰা গম পাইছিল যে অস্ত্ৰোপচাৰ কৰি গালত ভুৱা টোল আনিব পাৰি। বেকিয়ে এই বিষয়ে সোধা-পোছা কৰিবলৈ ধৰিলে। বেকীয়ে ইণ্টাৰনেটত সন্ধান কৰি চায় কোনবোৰ তাৰকাৰ এই অস্ত্ৰোপচাৰ কৰা হৈছে। বহু গৱেষণাৰ অন্তত বেকিয়ে গম পায় যে অস্ত্ৰোপচাৰটো যথেষ্ট নিৰাপদ, আৰু এই অস্ত্ৰোপচাৰ কৰি ধুনীয়া হোৱা বহু লোক আছে।
চলিত বৰ্ষৰ জানুৱাৰী মাহত বেকীৰ অস্ত্ৰোপচাৰ কৰা হৈছিল। ২০ মিনিট ধৰি চলিছিল এই অস্ত্ৰোপচাৰ। মূলতঃ গালৰ পেশীবোৰ চিলাই কৰা হয়। অস্ত্ৰোপচাৰৰ পিছত বেকী সুখী নাছিল। কাৰণটো হৈছে কৃত্ৰিম টোল অতি স্পষ্ট হৈ পৰিছিল। কিন্তু কিছুদিনৰ পাছত তেওঁ নিজক দেখি ভাল পালে।
বেকীয়ে কয়- ''অস্ত্ৰোপচাৰৰ পিছত দুদিন ধৰি মোৰ গাল দুখন ফুলি উঠিছিল। খাই বা কথা পাতি থাকোতে কোনো বিষ নাছিল যদিও বেছি জোৰেৰে হাঁহিলে বিষ হৈছিল। এন্টিবায়টিকৰ এটা কোৰ্চ তিনিদিনীয়া হয়। ইয়াৰ পিছত ক্ৰমান্বয়ে বিষটো কমি আহিল।''
কিন্তু বেকীৰ গালত টোলটো বেছি দিন নাথাকিল। কৃত্ৰিম টোল কেইদিনমানৰ ভিতৰতে ম্লান হৈ পৰে। অৱশ্যে ডাক্তৰে সেই কথা বেকিক আগতেই কৈছিল। এতিয়া আকৌ গালৰ অস্ত্ৰোপচাৰৰ কথা ভাবিছে বেকীয়ে।
Continue Reading
