মৰ্মান্তিক! চৰকাৰী এম্বুলেন্সত ধন দিব নোৱাৰি ভায়েকৰ মৃতদেহ কোলাত নিলে

ডিজিটেল ডেস্ক : অতি মৰ্মান্তিক! হস্পিতালৰ মৃতদেহ ঘৰলৈ নিবলৈ এম্বুলেন্স নোপোৱাত ককায়েকে হাততে লৈ গ’ল মৃতদেহ। এই মৰ্মান্তিক ঘটনাটো সংঘটিত হৈছে উত্তৰ প্ৰদেশত।

জানিব পৰা মতে শুকুবাৰে মাতৃয়ে খং উঠাত তেওঁৰ পুত্ৰক ৰাস্তালৈ দলিয়াই দিছিল। সেই সময়তে অহা এখন গাড়ীয়ে দুবছৰীয়া শিশুটিক মহতিয়াই থৈ যায়। ফলত শিশুটি গুৰুতৰভাৱে আঘাতপ্ৰাপ্ত হয়। শিশুটিক হাস্পতাললৈ নিয়া হয় যদিও চিকিৎসালয়ত মৃত্যু হয়। শনিবাৰে শিশুটিৰ মৰণোত্তৰ পৰীক্ষা কৰি মৃতদেহ পিতৃক চমজাই দিয়ে।

কিন্তু পিতৃয়ে মৃতদেহ ঘৰলৈ নিবলৈ স্বাস্থ্যকৰ্মীৰ পৰা এম্বুলেন্স বিচৰাত কোনোৱে যাবলৈ মান্তি নহ’ল। কাৰণ মৃতদেহ নিবলৈ এম্বুলেন্সচালকসকলে তেওঁৰ পৰা ১০০০ টকা বিচাৰিছিল। কিন্তু পিতৃৰ হাতত ১০০০ টকা নাছিল বাবে শিশুটিৰ মৃতদেহ অৱশেষত ভাতৃয়ে কোলাত কৰি নিবলৈ বাধ্য হয়। কিন্তু কিছুদূৰ গৈ ভাগৰ লগাত তেওঁৰ জ্যেষ্ঠ পুত্ৰৰ হাতত শিশুটিৰ মৃতদেহটো তুলি দিয়ে। ব্যক্তগৰাকীয়ে জ্যেষ্ঠ পুত্ৰই কনিষ্ঠ পুত্ৰৰ মৃতদেহ কোলাত লৈ যোৱাৰ সময়তে কোনো লোকে এটা ভিডিঅ’ কৰি সামাজিক মাধ্যমত শ্বেয়াৰ কৰে।

ভিডিঅ’টো চাই সকলোৱে আচৰিত হৈ প্ৰশ্ন কৰিছে যে এখন চৰকাৰী হাস্পতালত এম্বুলেন্বৰ বাবে পইচা কিয় দিব লাগে? অৱেশ্য এঘণ্টাৰ পাছত তেওঁলোকক এখন মৃতদেহ কঢ়িওৱা ভান যোগাৰ কৰি দিয়ে।