ডিজিটেল ডেস্কঃ বহু মানুহেই কুকুৰৰ মুখত চুমা খাই মৰম কৰে। কুকুৰো এটা পৰিয়ালৰ সদস্যৰ দৰেই আৰু বহু মানুহে কুকুৰৰ মুখত চুমা খাই কৰে মৰম প্ৰকাশ। কিন্তু আপুনি জানেনে যে আপোনাৰ এই মৰমৰ কামটো হয়তো ভাল কাম নহ’বও পাৰে? হয়, আপুনি ঠিকেই পঢ়িছে। কুকুৰৰ মুখত চুমা খোৱাটো আপোনাৰ বাবে অতি অস্বাস্থ্যকৰ আৰু অসুৰক্ষিত। ই আপোনাক কেইবাটাও ৰোগত আক্ৰান্ত কৰিব পাৰে। কুকুৰৰ মুখত কিয় চুমা খাব নালাগে জানি লওক।
১) কুকুৰৰ মুখখন লেতেৰাঃ আপোনাৰ কুকুৰৰ মুখত সকলো ধৰণৰ বেক্টেৰিয়া থাকে কাৰণ সিহঁতে যিকোনো বস্তু শুঙি ভালপায় আৰু ইফালে সিফালে বস্তু চেলেকি ভাল পায়। মজিয়াত কিবা এটা পৰিলে সিহতে সোনকালে চেলেকিবলৈ আৰম্ভ কৰে। কুকুৰৰ নিজেই মুখ চাফা কৰাৰ প্ৰৱণতা নাথাকে আৰু মালিকেও সকলো সময়তে মুখ চাফা কৰিবলৈ কাপোৰ লৈ সিহঁতৰ পাছে পাছে দৌৰি নাথাকে। সিহঁতৰ মুখৰ ভিতৰত থকা সকলো লেতেৰা বীজাণুৰ কথা জানিলে আপুনি আজিয়ে চুমা খোৱা বাদ দিব।
২) আপোনাৰ মুখৰ স্বাস্থ্য নষ্ট হয়ঃ আপোনাৰ পোহনীয়া জন্তুটোক চুমা খালে আপোনাৰ মুখৰ স্বাস্থ্য নষ্ট হয়। মেকুৰী, কুকুৰ আৰু মানুহৰ কোনো ধৰণৰ বেক্টেৰিয়া থাকে যিয়ে পিৰিয়ডণ্টাল ৰোগ সৃষ্টি কৰিব পাৰে বুলি কোৱা হয়। ইয়াক দাঁতৰ আলুৰ ৰোগ বুলিও কোৱা হয় আৰু ই আপোনাৰ স্বাস্থ্যৰ বাবে যথেষ্ট ক্ষতিকাৰক হ’ব পাৰে। পোহনীয়া জন্তুৰ মালিকসকল সাধাৰণতে পিৰিয়ডণ্টাল ৰোগৰ সংস্পৰ্শলৈ আহে বুলি কোৱা হয়।
৩)সংক্ৰমণৰ আশংকা থাকেঃ কুকুৰে বহুত বীজাণু কঢ়িয়াই লৈ ফুৰে। কুকুৰৰ শৰীৰৰ তৰল পদাৰ্থই মানুহৰ মাজত জুনোটিক ৰোগৰ কাৰণ আনিব পাৰে। কুকুৰৰ পৰা মানুহলৈ যোৱা ভাইৰাছ, বেক্টেৰিয়া, ভেঁকুৰ আৰু পৰজীৱীৰ জৰিয়তে এভিয়ান ফ্লুৰ দৰে জুন’টিক ৰোগ সংক্ৰমিত হ’ব পাৰে।
৪) যদি আপোনাৰ ৰোগ প্ৰতিৰোধ ক্ষমতা দুৰ্বল, তেন্তে সাৱধানঃ যদি আপুনি সঘনাই অসুস্থ হৈ পৰে, তেন্তে আপোনাৰ কুকুৰটোক চুমা খালে আপোনাৰ ৰোগ প্ৰতিৰোধ ক্ষমতা অধিক বিপদত পৰিব পাৰে। আপোনাৰ কুকুৰৰ পৰা বেক্টেৰিয়া সংক্ৰমিত হ’লে জ্বৰ, মূৰৰ বিষ, ভাগৰ আদি ফ্লুৰ দৰে লক্ষণ হ’ব পাৰে। গতিকে, কুকুৰৰ শৰীৰৰ তৰল পদাৰ্থ বা মলৰ সংস্পৰ্শলৈ অহাটো বেয়া কাৰণ এইবোৰেই হৈছে আপুনি অসুস্থ হোৱাৰ আটাইতকৈ ডাঙৰ কাৰণ।
Continue Reading
