ডিজিটেল ডেস্কঃ দেশত প্ৰচলন হ’ব ১০০ টকীয়া ধাতুৰ মুদ্ৰা৷ প্ৰধানমন্ত্ৰী নৰেন্দ্ৰ মোদীতে তেওঁৰ অতি জনপ্ৰিয় অনুষ্ঠান মন কি বাতৰ শেহতীয়া খণ্ডটোতেই এই মুদ্ৰা মুকলি কৰিব৷ মোদীৰ মন কি বাত অনুষ্ঠানে ৩০ এপ্ৰিল, দেওবাৰে ইয়াৰ ১০০ সংখ্যক সংস্কৰণ সম্পূৰ্ণ কৰিব।
মন কি বাতৰ ১০০ সংখ্যক খণ্ড উপলক্ষে প্ৰধানমন্ত্ৰীয়ে নতুন ১০০ টকাৰ মুদ্ৰা মুকলি কৰিব৷মুদ্ৰাবোৰ কেন্দ্ৰীয় চৰকাৰৰ কৰ্তৃত্বৰ অধীনত প্ৰস্তুত কৰা হ'ব। বিত্ত মন্ত্ৰালয়ৰ চৰকাৰী অধিসূচনাত এই কথা কোৱা হৈছে৷ অধিসূচনাত কোৱা হৈছে "মন কি বাতৰ ১০০ সংখ্যক খণ্ড উপলক্ষে কেন্দ্ৰীয় চৰকাৰৰ কৰ্তৃত্বৰ অধীনত এশ টকাৰ মুদ্ৰাৰ মিণ্টত প্ৰস্তুত কৰা হ'ব।’’
নতুন মুদ্ৰাত অশোক স্তম্ভৰ সিংহ থকাৰ লগতে "সত্যমেৱ জয়তে" লিখা থাকিব।মুদ্ৰাটোত দেৱনাগৰী লিপিত "ভাৰত" শব্দটো বাওঁ পিনে আৰু ইংৰাজীত "ভাৰত" শব্দটো সোঁ পিনে লিখা থাকিব। মুদ্ৰাটোত মন কি বাতৰ ১০০ সংখ্যক খণ্ডৰ লগোও থাকিব।
উল্লেখ্য প্ৰধানমন্ত্ৰী মোদীয়ে অল ইণ্ডিয়া ৰেডিঅ’ যোগে সম্প্ৰচাৰ কৰি অহা মন কি বাত অনুষ্ঠানত মোদীয়ে অৰ্থনীতিস নিৱনুৱা সমস্যাকে ধৰি আন ভালেমান বিশয়ত নিজৰ মনৰ কথা প্ৰকাশ কৰি আহিছে৷ অনুষ্ঠানটো পিছত দেশৰ সকলো সংবিধান স্বীকৃত ভাষাতে অনুবাদ কৰি প্ৰচাৰ কৰা হয়৷
Continue Reading
