ডিজিটেল ডেস্কঃ যি কামেই নহওঁক, মনপুতি একাগ্ৰতাৰে যদি সেই কাম কৰা হয় তেন্তে এদিন নহয় এদিন সাফল্য আহিবই৷ এই কথাষাৰ পুনৰবাৰ প্ৰমাণ কৰি দেখুৱাইছে দিল্লীৰ এহাল দম্পতীয়ে ৷ দিল্লীৰ দম্পতী জ্যোতি গণপতি আৰু তেওঁৰ স্বামী সত্যই দক্ষিণ ভাৰতীয় ৰন্ধনপ্ৰণালীক সুসংহতভাবে উপস্থাপন কৰি উপাৰ্জনৰ এক সোণালী বাট কাটি ল’বলৈ সক্ষম হৈছে৷
খাদ্য সম্ভাৰৰ সাধাৰণ ব্যৱসায়ক এক অনন্য ব্যৱসায়লৈ পৰিৱৰ্তন কৰি তেওঁলোকে বছৰি প্ৰচুৰ ধন ঘটিছে৷ খাদ্য বিক্ৰী কৰিবলৈ দম্পতীহালে দোচা আইএনচি-ৰ জৰিয়তে কেৱল দোচা বিকিবলৈ লয়৷ এনেদৰে তেওঁলোকে বছৰি ৩ কোটি টকা উপাৰ্জন কৰিবলৈ সমৰ্থ হৈছে ।
তেওঁলোকৰ খাদ্যৰ ট্ৰাক সমগ্ৰ দিল্লীতে অতি জনপ্ৰিয়৷ জ্যোতিয়ে জনবহুল এলেকাবোৰত খাদ্য ট্ৰাক চলোৱাৰ বিষয়ত থকা নিষেধাজ্ঞাবোৰ ভালদৰে জানে৷ সেয়ে তেওঁ নিৰ্ধাৰিত পাৰ্কিং স্থান বিচাৰি লৈ আহিছে। পৰিচ্ছন্নতাৰ মান বজাই ৰাখি তেওঁ দোচা পৰিবেশন কৰি আহিছে৷
জ্যোতিয়ে দিল্লীত ষ্ট্ৰীট ফুডক অধিক জনপ্ৰিয় কৰি তুলিবলৈ খাদ্য ট্ৰাক হাবৰ কল্পনা কৰিছে। প্ৰত্যাহ্বানেৰে ভৰা ব্যৱসায় হ’লেও তেওঁ খাদ্য ট্ৰাকৰ ভৱিষ্যতকলৈ উৎসাহী হৈ আছে৷ তেওঁ বিশ্বাস কৰে যে তেওঁলোকে মানুহক এক অনন্য ভোজনৰ অভিজ্ঞতা আগবঢ়াবলৈ চেষ্টা চলাই আহিছে আৰু সেই কামত সফলো হৈছে৷
Continue Reading
