মণিপুৰ বিজেপিত চলিছে অসন্তুষ্টি; ক্ৰমাৎ হেৰাইছে গণভিত্তি

ইণ্ডিয়ান এক্সপ্ৰেছৰ এক প্ৰতিবেদন অনুসৰি, দলটোৰ ৰাজ্যিক ইউনিটৰ সভাপতি শাৰদা দেৱী, উপ-সভাপতি চৌধুৰী চিদানন্দ সিং আৰু আন ছয়জন ব্যক্তিৰ স্বাক্ষৰিত এখন পত্ৰত নাড্ডাক কোৱা হৈছে যে ‘জনতাৰ ক্ষোভ আৰু বিৰোধিতা এতিয়া তীব্ৰতৰ হৈ পৰিছে, যাৰ ফলত  চলি থকা অশান্তিৰ বাবে চৰকাৰৰ ব্যৰ্থতাক জগৰীয়া কৰা হৈছে।

নেতাসকলে স্থানচ্যুত লোকসকলক শীঘ্ৰে তেওঁলোকৰ ‘মূল বাসস্থান’লৈ পুনৰ সংস্থাপন কৰাৰ দাবী জনায়। তেওঁ কয়, ‘আমি জানো যে আমাৰ চৰকাৰে ৰাজ্যখনৰ স্বাভাৱিক অৱস্থা ঘূৰাই অনাৰ বাবে দিনে-নিশাই কাম কৰি আছে আৰু ৰাজ্যিক পৰ্যায়ৰ আমাৰ দলেও পৰিস্থিতিৰ সৈতে মোকাবিলা কৰাত মুখ্য গুৰুত্বপূৰ্ণ ভূমিকা পালন কৰিছে।ৰাষ্ট্ৰীয় ঘাইপথত নিৰ্বিঘ্নে যান-বাহন চলাচল’ শীঘ্ৰে মুকলি কৰাকে ধৰি ৰাইজৰ বিভিন্ন দাবীৰ ওপৰতো দলটোৱে আলোকপাত কৰে।লগতে ৰাজ্যিক ইউনিটটোৱে যিসকলৰ ঘৰ ধ্বংস হৈছে তেওঁলোকক ক্ষতিপূৰণ আৰু জনগোষ্ঠীয় সংঘাতত নিহতসকলৰ পৰিয়ালক সাহায্য প্ৰদানৰ আহ্বান জনায়।ইয়াৰ উপৰিও অভিযান স্থগিত ৰখাৰ ভিত্তি নিয়মসমূহ ফলপ্ৰসূভাৱে বলবৎ কৰিবলৈ আৰু যিকোনো উলংঘাক ‘সন্ত্ৰাসবাদী কাৰ্য হিচাপে গণ্য কৰিবলৈ আহ্বান কৰে।

ৰাজ্যিক গোটটোৱে নাড্ডাক কয় যে ‘এন আৰ চিৰ আগতীয়া ৰূপায়ণৰ সুবিধাৰ বাবে অবৈধ অনুপ্ৰৱেশকাৰীৰ বায়’মেট্ৰিক তথ্য লিপিবদ্ধ কৰাৰ অভিযান ক্ষিপ্ৰতাৰে কৰা, আফিং খেতি সম্পূৰ্ণৰূপে ধ্বংস কৰা আৰু নিৰন্তৰ নিৰীক্ষণৰ বাবে যৌথ নিৰীক্ষণ সমিতি গঠন কৰা আদি বিষয়ত  মনোনিৱেশ কৰিব লাগে৷