ডিজিটেল ডেস্কঃ অশান্ত মণিপুৰৰ পৰিস্থিতি আজিও উত্তপ্ত হৈ আছে। মণিপুৰৰ মুখ্যমন্ত্ৰী এন বীৰেণ সিঙে ৰাজ্য খনৰ গাওঁসমূহত সুৰক্ষাৰ বাবে মেইটেই আৰু কুকিছে নিৰ্মাণ কৰা সকলো বাংকাৰ ধ্বংস কৰা হ’ব বুলি ঘোষণা কৰিছে। ফলত বহুতে দুয়োটা গোষ্ঠীৰ পৰা হিংসা অব্যাহত থকাৰ সময়তে কেনেকৈ এয়া সম্ভৱ হ’ব বুলিও প্ৰশ্ন কৰিছে।
মণিপুৰত আনকি বহুতে নিজৰ লগত থকা বন্দুক সমৰ্পণ কৰিবলৈও সন্মত হোৱা নাই। কুকি গোটবোৰে মুখ্যমন্ত্ৰীৰ ঘোষণাটো অস্বীকাৰ কৰি কৈছে যে তেওঁলোকৰ গাওঁবোৰক সুৰক্ষিত কৰি ৰাখিবলৈ বাংকাৰবোৰ অপৰিহাৰ্য। মেইটেই গোটবোৰে মুখ্যমন্ত্ৰীৰ ধাৰণাটো সমৰ্থন কৰিছে।
কিন্তু তেওঁলোকে লগতে এইবুলিও কৈছে যে চৰকাৰে তেওঁলোকৰ গাওঁবোৰৰ নিৰাপত্তা নিশ্চিত কৰিব লাগিব। ইম্ফলত এখন সংবাদমেলৰ সময়ত মুখ্যমন্ত্ৰী বীৰেণ সিঙে ঘোষণা কৰে যে বাংকাৰ ধ্বংসৰ অভিযান ভাৰতীয় সেনাৰ দ্বাৰা পৰিচালিত হ'ব। অৱশ্যে প্ৰতিৰক্ষা সূত্ৰই কৈছে যে এয়া কৰাটো সিমান সহজ কথা নহয়।
উল্লেখ্য এমাহৰ আগতে চৰকাৰে ঘোষণা কৰিছিল যে বন্দুক লুণ্ঠন কৰা লোকসকলক নিৰস্ত্ৰ কৰিবলৈ এক কোম্বিং অপাৰেচন চলোৱা হ’ব।৪,০০০ তকৈও অধিক লুণ্ঠন কৰা বন্দুকৰ ভিতৰত মাত্ৰ ১,৫০০ টা উদ্ধাৰ কৰিব পৰা হৈছে ।
Continue Reading
