ডিজিটেল ডেস্কঃ ইম্ফলৰ ৰাজনীতিবিদ তথা খিলঞ্জীয়া মৰ্চাৰ উপদেষ্টা মেইটেই নেতা জগত থৌদামৰ বিৰুদ্ধে দেশদ্ৰোহৰ গোচৰ ৰুজু হৈছে। মন্ত্ৰীপুখৰীস্থিত অসম ৰাইফলছ ইউনিটে মণিপুৰত চলি থকা সংঘাতত ইন্ধন যোগোৱা কিছু স্তম্ভ লিখনি প্ৰকাশ কৰাৰ বাবে এই গোচৰ তৰিছে।
দ্য হিন্দুৰ এক প্ৰতিবেদন অনুসৰি, যোৱা ৩১ মে’ত দ্য ফ্ৰন্টিয়াৰ মণিপুৰ কাকত আৰু বিভিন্ন নিউজ পৰ্টেলত প্ৰকাশিত এটা স্তম্ভত ম্যানমাৰত ভিত্তি থকা “কুকি সন্ত্ৰাসবাদী সংগঠন”ক অসম ৰাইফলছে সুৰক্ষা প্ৰদান কৰা বুলি অভিযোগ উত্থাপন কৰিছিল।
ইম্ফল পশ্চিম আৰক্ষী থানাই দেশদ্ৰোহ আৰু বিভিন্ন গোটৰ মাজত শত্ৰুতা জগাই তোলাৰ সৈতে সম্পৰ্কিত ভাৰতীয় দণ্ডবিধিৰ ১২৪ এ আৰু ১৫৩ এ ধাৰাত থৌডামৰ বিৰুদ্ধে ১২জুনত এফআইআৰ পঞ্জীয়ন কৰিছিল। মন্ত্ৰীপুখৰীৰ অসম ৰাইফলছ (দক্ষিণ)ৰ মুখ্য কাৰ্যালয়ৰ মহাপৰিদৰ্শকে এই এজাহাৰ দাখিল কৰে।
যোৱা ৩ মে’ত মণিপুৰত সংঘটিত হোৱা জনগোষ্ঠীয় হিংসাৰ পৰিপ্ৰেক্ষিতত কেইবাটাও মেইটেই গোটে কেন্দ্ৰ আৰু মণিপুৰ চৰকাৰৰ অভিযান স্থগিত ৰখা কুকি বিদ্ৰোহী গোটক সহায় কৰা বুলি দেশৰ আটাইতকৈ পুৰণি অৰ্ধসামৰিক বাহিনী আছাম ৰাইফলছৰ বিৰুদ্ধে অভিযোগ উত্থাপন কৰিছে।
Continue Reading
