ডিজিটেল ডেস্কঃ শান্ত হোৱা নাই মণিপুৰ। মণিপুৰত হিংসাৰ দাবানল এতিয়াও জ্বলিয়েই আছে। অশান্ত জৰ্জৰিত মণিপুৰত পুনৰ সাধাৰণ জনজীৱন সম্পূৰ্ণ বন্ধ হৈ পৰিছে। যোৱা এসপ্তাহত ৰকেট আক্ৰমণ আৰু ড্ৰোণৰ দ্বাৰা বোমা বিস্ফোৰণৰ ঘটনাই ৰাজ্যখনক অস্থিৰ কৰি ৰাখিছে।
শুকুৰবাৰেও সন্দেহজনক কুকি বিদ্ৰোহীয়ে চলোৱা ড্ৰোণ আৰু স্নাইপাৰৰ আক্ৰমণত দুগৰাকী লোক নিহত হোৱাৰ লগতে এগৰাকী ১২ বছৰীয়া কিশোৰীকে ধৰি আন ৯ গৰাকী লোক আহত হয়। এই হিংসাত্মক ঘটনাত সাধাৰণ লোকৰ মৃত্যু হৈছে।
মণিপুৰৰ জিৰিবাম জিলাত মেইটাই-কুকিৰ হিংসাই এতিয়া ভয়ংকৰ ৰূপ লৈছে। মঙলবাৰে নিশা আকৌ জিলাৰ মোৰবুং-চেযাং আদি এলেকাত দুই গোষ্ঠীৰ মাজত ধাৰাসাৰ গুলীয়াগুলি আৰু বোমা নিক্ষেপৰ ঘটনা সংঘটিত হৈছে। ঘটনা এনে পর্যায় পাইছিল গৈ যে, ভয়-আতংকত সাধাৰণ ৰাইজে ঘৰ এৰি জংঘলত নিৰাপদ ঠাইত আশ্রয় ল’বলগীয়া হৈছেl কান্দোনত ভাঙি পৰিছে কণমানিসকল।
আনহাতে, জিলাখনত ইণ্টাৰনেট পৰিসেৱা কর্তন কৰা নাই যদিও সামাজিক মাধ্যমত পৰিস্থিতিক লৈ লাইভ ভিডিঅ’ কৰাত নিষেধাজ্ঞা জাৰি কৰা হৈছেl যাৰ বাবে সাধাৰণ ৰাইজে পৰিস্থিতিকলৈ ভিডিঅ’ শ্বেয়াৰ কৰিবলৈ ভয় খাইছেl
Continue Reading
