ডিজিটেল ডেস্কঃ বলীউডৰ নৃত্যশিল্পী মালাইকা আৰোৰাৰ পিতৃ অনিল আৰোৰাৰ আত্মহত্যা। বুধবাৰে পুৱা মালাইকা আৰোৰাৰ পিতৃয়ে আত্মহত্যা কৰে। মুম্বাইৰ বান্দ্ৰাস্থিত বিল্ডিঙৰ ছয় মহলাৰ পৰা তেওঁ জাপ দিয়ে। ইয়াৰ পিছত তেওঁক ততাতৈয়াকৈ চিকিৎসালয়লৈ লৈ যোৱা হয় আৰু চিকিৎসকে তেওঁক মৃত ঘোষণা কৰে।
ঘটনাৰ খবৰ পোৱাৰ লগে লগে মালাইকাৰ প্ৰাক্তন স্বামী আৰবাজ খান তাত উপস্থিত হয়। পাছত তেওঁৰ ভগ্নী আলবিৰাও তালৈ আহে। সেই স্থানৰ পৰা কোনো ছুইচাইড নোট পোৱা নাই। এতিয়ালৈকে আত্মহত্যাৰ কাৰণ জানিব পৰা হোৱা নাই। ফৰেনছিক দল আৰু আৰক্ষীয়ে এই ঘটনাৰ তদন্ত অব্যাহত ৰাখিছে।
জানিব পৰা মতে, ঘটনাৰ সময়ত মলাইকা আৰোৰা পুনেত আছিল। খবৰ পায়ে তেওঁ ততাতৈয়াকৈ মুম্বাইলৈ উভতে।
পৰিয়ালে এয়া এক দুৰ্ঘটনা বুলিহে দাবী কৰিছে।
উল্লেখ্য যে অনিল অৰোৰাই মাৰ্চেণ্ট নেভিত কাম কৰিছিল। মালাইকাৰ পিতৃ-মাতৃৰ বিবাহ বিচ্ছেদ হৈছে। সেই সময়ত মালাইকাৰ বয়স আছিল মাত্ৰ ১১ বছৰ। বিবাহ বিচ্ছেদৰ পাছত মাক আৰু দেউতাক পৃথকে পৃথকে থাকে। দুয়োগৰাকী কন্যা মালাইকা আৰু অমৃতাই মাক জয়ছ পলিকাৰ্পৰ লগত থাকিবলৈ আৰম্ভ কৰিলে। মালাইকাৰ মাক মালয়ালী খ্ৰীষ্টান আৰু দেউতাক আছিল পাঞ্জাবী হিন্দু।
Continue Reading
