ডিজিটেল ডেস্কঃ শান্ত হোৱা নাই মণিপুৰ। মণিপুৰত পুনৰ জ্বলি উঠিছে হিংসাৰ জুই। ৰাজ্য খনৰ জিৰিবামত মুখ্যমন্ত্ৰীৰ এস্কৰ্ট গাড়ীত আক্ৰমণ কৰিলে দুৰ্বৃত্তই। এই ঘটনাত এজন লোক আহত হয়। এই ঘটনাৰ পিছতে মণিপুৰৰ জিৰিবাম জিলাত উত্তেজনাই বিৰাজ কৰিছে। সোমবাৰে বন্দুকধাৰীয়ে মুখ্যমন্ত্ৰী এন বীৰেণ সিঙৰ এস্কৰ্ট গাড়ীত আক্রমণ কৰে।
এই ঘটনা পুৱা প্ৰায় ১০:৩০ বজাত সংঘটিত হয়। মণিপুৰ-শিলচৰ ৰাষ্ট্ৰীয় ঘাইপথ ৩৭ৰ কাটলানে অঞ্চলত সংঘটিত হয় এই ঘটনা। এই আক্ৰমণত আহত হয় মুখ্যমন্ত্ৰী বীৰেন সিঙৰ এস্কৰ্ট গাড়ীত থকা মণিপুৰ ৰাইফলছৰ এজন জোৱান। এই ঘটনাৰ পিছতে কেন্দ্ৰীয় সংৰক্ষিত আৰক্ষী বাহিনী আৰু অসম ৰাইফলছে সমগ্ৰ অঞ্চলজুৰি অভিযান আৰম্ভ কৰে।জানিব পৰা মতে মুখ্যমন্ত্ৰী এন বীৰেণ সিঙে মঙলবাৰে জিৰিবামলৈ অহাৰ কথা। সেইবাবেই আগতীয়াকৈ এস্কৰ্ট দল পঠিওৱা হৈছিল।
Continue Reading
