ডিজিটেল ডেস্ক
ক্ৰমাৎ বৃদ্ধি পোৱা হত্যা, অপহৰণৰ ঘটনাই শংকিত কৰি তুলিছে আফগানিস্থানৰ বাল্খৰ বাসিন্দাসকলক৷এতিয়া এনেদৰেই শংকিত হৈ দিন কটাবলগীয়া হৈছে ঠাইখনৰ বাসিন্দাসকলে৷এই অঞ্চলটো তালিবানৰ নিয়ন্ত্ৰণলৈ যোৱাৰ পিছৰে পৰা এনেধৰণৰ অপৰাধমূলক ঘটনা বৃদ্ধি পাইছে বুলি জানিব পৰা গৈছে৷
এই খিনিতে উল্লেখযোগ্য কথা যে সাধাৰণ নাগৰিকৰ লগতে এতিয়া শংকিত হৈ পৰিছে ঠাইখনত কৰ্মৰত চিকিৎসকসকল৷ কাৰণ বহু চিকিৎসা কৰ্মী অপহৰণমূলক ঘটনাৰ বলি হৈছে৷ চিকিৎসকসকলৰ মাজত অপহৰণৰ ঘটনা অধিক সংঘটিত হৈছে আৰু চিকিৎসকসকলৰ লগতে স্থানীয় লোকসকলে অপৰাধীসকলক শাস্তি দিবলৈ নিৰাপত্তা বিষয়াসকলক দৃঢ়ভাৱে আহ্বান জনাইছে৷
চিকিৎসক ফাজেল ৰহিম হাউচমাণ্ডে কয় যে ,চিকিৎসকসকলৰ কৰ্মত ব্যাঘাত নোহোৱাকৈ কাম কৰাৰ পৰিৱেশ সৃষ্টি কৰিবলৈ আমি কৰ্তৃপক্ষ আৰু সামৰিক বিভাগক দাবি জনাইছোঁ৷
আন এক বিবৃতিত চৈয়দ আদিলশ্বাহ নামৰ এজন চিকিৎসকে কয় যে ,"আমাৰ সকলো পেছাদাৰী লোকসকল তেওঁলোকৰ জীৱনৰ লগতে তেওঁলোকৰ পৰিয়ালৰ জীৱনৰ বিষয়ে চিন্তিত হৈ পৰিছে৷”
ইফালে, বাল্খ পুলিচ কমাণ্ডৰ বিষয়াসকলে এই সকলো দাবী খণ্ডন কৰি কয় যে শেহতীয়া ঘটনাৰ অপৰাধীসকলক গ্ৰেপ্তাৰ কৰা হ'ব।
বৰ্তমান অপৰাধীসকলক বিচাৰি উলিয়াই তেওঁলোকক ন্যায় ব্যৱস্থাৰ সন্মুখীন কৰিবলৈ চেষ্টা চলাই থকা হৈছে বুলি বাল্খ আৰক্ষী মুখপাত্ৰ মহম্মদ আচিফ ৱাজিৰীয়ে জানিবলৈ দিয়ে৷
Continue Reading
