ডিজিটেল ডেস্কঃ ২০১৮ চনত মালাইকা আৰোৰা আৰু আৰবাজ খানৰ আনুষ্ঠানিক বিবাহ বিচ্ছেদ হয়। এতিয়ালৈকে দুয়োটা পক্ষৰ পৰা কোনো এজনেই তেওঁলোকৰ বিচ্ছেদৰ কাৰণ উত্থাপন কৰা নাই। ‘মুভিং ইন উইথ মালাইকা’ শ্ব’ত মালাইকাই প্ৰথমবাৰৰ বাবে মেলিলে মুখ।
অ’টিটিত আৰম্ভ হৈছে মালাইকা অৰোৰাৰ ৰিয়েলিটি শ্ব’ ‘মুভিং ইন উইথ মালাইকা’। এই শ্ব’ত মালাইকাৰ প্ৰথম অতিথি আছিল পৰিচালক ফাৰাহ খান। তাতে তেওঁ প্ৰাক্তন স্বামী আৰবাজৰ কথা কয়। ১৯৯৮ চনত মালাইকা আৰু আৰবাজ বিবাহপাশত আবদ্ধ হয়। ১৮ বছৰৰ পাছত দুয়োৰে মাজত বিচ্ছেদ ঘটে। বিচ্ছেদৰ পাছত তেওঁলোকে কেতিয়াও নিজৰ ব্যক্তিগত সম্পৰ্কৰ কথা কোৱা নাই। প্ৰথমবাৰৰ বাবে তেওঁৰ শ্ব’ত বিবাহ বিচ্ছেদৰ কাৰণ প্ৰকাশ কৰিছে মালাইকাই।
ঘৰৰ পৰা ওলাই আহিবৰ বাবেই আৰবাজক বিয়া কৰাব বিচাৰিছিল বুলি মালাইকাই কয়। মালাইকাই নিজে আৰবাজ খানক বিয়াৰ প্ৰস্তাৱ দিছিল। মালাইকাই কয়- মই আৰবাজক প্ৰপ’জ কৰিছিলোঁ। কোনেও নাজানে যে আৰবাজে মোক প্ৰপ’জ কৰা নাছিল, মইহে কৰিছিলো। মই আৰবাজক কৈছিলো, মোৰ বিয়া হ’বলৈ মন যায়। আপুনি সাজু নেকি?’ আৰু অতি মিঠাকৈয়ে আৰবাজে উত্তৰ দিছিল, 'আপুনি দিনটো আৰু ঠাইখন ঠিক কৰক'।''
মালাইকাই কয় যে তেওঁলোকৰ বিয়াত কি ভুল হৈছিল। তেওঁ কয়, ‘বহুত কম বয়সতে বিয়া পাতিলোঁ৷ তাৰ পিছত মই সলনি হ’লোঁ। তেতিয়াৰ পৰা মোৰ জীৱন সলনি হৈছে। মই ভাবো আমি এতিয়া বহুত ভাল মানুহ। মালাইকাই প্ৰকাশ কৰে যে 'দাবাং'ৰ মুক্তি পৰ্যন্ত তেওঁলোকৰ মাজত সকলো ঠিকেই আছিল। কিন্তু তাৰ পিছত লাহে লাহে সম্পৰ্কটো বেয়াৰ ফালে ঢাল খায় আৰু শেষত পৃথক হয়।'
২০১৬ চনৰ ২৮ মাৰ্চত তেওঁলোকে বিচ্ছেদৰ কথা ঘোষণা কৰে। আৰু ২০১৭ চনৰ ১১ মে’ত আনুষ্ঠানিকভাৱে বিবাহ বিচ্ছেদ হয়। তেওঁলোকৰ আৰহান নামৰ এজন পুত্ৰ আছে। এই ২০ বছৰীয়া যুৱকজন বৰ্তমান উচ্চ শিক্ষাৰ বাবে বহিঃৰাজ্যত আছে। অৱশ্যে বিচ্ছেদ হোৱাৰ পাছতো পুত্ৰৰ সকলো দায়িত্ব একেলগে পালন কৰে আৰবাজ আৰু মালাইকাই। আনকি যোৱা বছৰ মালাইকাৰ গাড়ী দুৰ্ঘটনাত পতিত হোৱাৰ সময়তো আৰবাজ প্ৰথমে লৰালৰিকৈ চিকিৎসালয়লৈ গৈছিল।
Continue Reading
