মোৰ অশ্লীল ভিডিঅ' ভাইৰেল কৰি দিলে! নিজ স্বামী আৰু পুত্ৰৰ বিৰুদ্ধে গোচৰ তৰিলে মহিলাই

ডিজিটেল ডেস্কঃ এক লজ্জাজনক ঘটনা পোহৰলৈ আহিছে। এগৰাকী মহিলাই তেওঁৰ অশ্লীল ভিডিঅ' নিজ স্বামী আৰু পুত্ৰই ভাইৰেল কৰাৰ অভিযোগ উত্থাপন কৰিছে। মহিলাগৰাকীয়ে কেৱল অভিযোগ উত্থাপন কৰাই নহয় আৰক্ষী থানাত স্বামী আৰু পুত্ৰৰ বিৰুদ্ধে দাখিল কৰিছে এজাহাৰ। এই ঘটনা সংঘটিত হৈছে ছত্তীশগড়ৰ গৌৰেলা-পেন্দ্ৰা-মাৰৱাহি জিলাত। মহিলাগৰাকীয়ে অভিযোগ কৰা অনুসৰি তেওঁ স্বামীৰ কথা শুনি নিজৰ এক নগ্ন অশ্লীল ভিডিঅ' প্ৰস্তুত কৰিছিল। পাছত সেই ভিডিঅ'টো স্বামী আৰু পুত্ৰই ভাইৰেল কৰি দিয়ে বুলি অভিযোগ তুলিছে মহিলাগৰাকীয়ে। তথ্য অনুসৰি গৌৰেলাৰ বাসিন্দা ৪৫ বছৰীয়া মহিলাগৰাকীৰ প্ৰায়ে স্বামীৰ সৈতে বিবাদ হয়। ইয়াৰ বাবে তেওঁ প্ৰায়ে মাতৃৰ ঘৰত থাকেগৈ। অলপতে মহিলাগৰাকী স্বামীগৃহলৈ ঘূৰি আহিছিল। সেই সময়তে তেওঁৰ ১৯ বছৰীয়া পুত্ৰই নিজৰ ম'বাইলটো বেয়া হোৱা বুলি কৈ মাতৃৰ ম'বাইলটো ব্যৱহাৰ কৰিবলৈ কিছু সময়ৰ বাবে লৈছিল। অলপ পাছতে পুত্ৰই মাতৃক ম'বাইলটো ঘূৰাই দিছিল কিন্তু ঘূৰাই দিয়াৰ পূৰ্বে পুত্ৰই মাতৃৰ আপত্তিজনক ভিডিঅ'টো নিজৰ ম'বাইললৈ ছেণ্ড কৰিছিল। এজাহাৰৰ ভিত্তিত আৰক্ষীয়ে পিতা-পুত্ৰক সোধপোচ কৰাত পুত্ৰই কয় যে ''মা আৰু দেউতাৰ প্ৰায়ে কাজিয়া হৈছিল। মই সদায় মা-দেউতাৰ কাজিয়াৰ সমাপ্তি বিচাৰিছিলো। মোৰ মায়ে কিমান লেতেৰা কাম কৰে সেয়া জনাবৰ বাবে এই ভিডিঅ'টো কেৱল মই মোৰ মাহীলৈ প্ৰেৰণ কৰিছিলোঁ। মোৰ মায়ে লেতেৰা কাম কৰে কাৰণেই দেউতাৰ সৈতে কাজিয়া হৈ থাকে, সেই কথাৰ প্ৰমাণ হিচাপেই ভিডিঅ'টো মাহীক দিছিলোঁ। মই জনা নাছিলো যে ভিডিঅ'টো ভাইৰেল হ'ব।'' আৰু পঢ়কঃ কি লিখা আছে আজি আপোনাৰ ভাগ্যত…চাওঁ আহক ৰাশিফল