‘মোৰ পৰিচয় গঢ়িছে কেৱল লতাদিৰ বাবে’-সুৰৰ সম্ৰাজ্ঞীৰ ওচৰত নীল নীতিনৰ পৰিয়াল চিৰঋণী

ডিজিটেল ডেস্ক : এটি যুগৰ অৱসান! নাইটেংগল অব ইণ্ডিয়াৰ বিয়োগত শোকস্তব্ধ দেশ। ৰাজ্যিক সন্মানেৰে মুম্বাইৰ শিৱাজী পাৰ্কত শেষকৃত্য সম্পন্ন হ’ল সুৰসম্ৰাজ্ঞী লতা মংগেশকাৰৰ। দেওবাৰে শেষ নিশ্বাস ত্যাগ কৰিলে কুকিলকণ্ঠী গায়িকা লতা মংগেশকাৰে৷ অশ্ৰুসিক্ত নয়নেৰে চিৰবিদায় দিলে দেশবাসীয়ে৷ অভিনেতা নীল নীতিন মুকেশে ইনষ্টাগ্ৰামত তেওঁৰ পৰিয়ালৰ সৈতে কিংবদন্তি গায়িকাগৰাকীৰ ঘনিষ্ঠ সম্পৰ্কৰ কথা মনত পেলায় এটি পোষ্ট কৰিছিল। লতা মংগেশকাৰৰ পিতৃ আৰু ককাকৰ সৈতে ফটো শ্বেয়াৰ কৰি নীলে লিখিছিল, “এই মুহূৰ্তত মোৰ পৰিয়ালে কি অনুভৱ কৰে সেয়া আপোনাক ক’বলৈও আৰম্ভ কৰিব নোৱাৰি। আমি বিধ্বস্ত হৈ পৰিছো। মোৰ দেউতাৰ বাবে, সংগীত তেওঁৰ সৈতে আৰম্ভ হৈছিল আৰু তেওঁতেই সৈতে সমাপ্ত। লতা দিদি আমাৰ বাবে সাইলাখ দেৱী আছিল; তেওঁক মোৰ দেউতা আৰু আমি সকলোৱে উপাসনা কৰিছিলোঁ।” তেওঁ এইটোও প্ৰকাশ কৰিছিল যে লতা মংগেশকাৰেহে তেওঁক নীল নাম দিছিল। ‘সাক্ষাৎ সৰস্বতী। মুকেশ পৰিয়ালৰ ৪ টা প্ৰজন্মই তেওঁক অত্যন্ত আদৰ কৰিছিল।’ আনকি নীলে লগতে ব্যক্ত কৰিছিল যে, তেওঁলোক পৰিয়ালৰ ৩জন সদস্যই লতা দিদিৰ সৈতে কাম কৰাই নহয়৷ তেওঁলোকক পৰিচয় বনোৱাতো সহায় কৰিছিল৷ যাৰ বাবে সুৰৰ সম্ৰাজ্ঞীৰ ওচৰত নীলৰ পৰিয়াল চিৰঋণী৷ আনকি নীলে এনেদৰেও কয় যে, লতাৰ বাবেহে আজি তেওঁ নীল৷ ‘ঈশ্বৰৰ সৈতে এক লতা দিদি। আমি তোমাক চিৰদিনৰ বাবে উপসনা কৰিম!’ বুলি নীলে লগতে কয়। ১৯২৯ চনৰ ২৮ ছেপ্টেম্বৰত জন্মগ্ৰহণ কৰা লতা মংগেশকাৰ ১৯৪২ চনত ১৩ বছৰ বয়সত কৰ্মজীৱন আৰম্ভ কৰিছিল। সাত দশকতকৈও অধিক সময়ৰ কেৰিয়াৰত, মেল’ডী কুইনে এক হাজাৰৰো অধিক হিন্দী চলচ্চিত্ৰৰ বাবে গান ৰেকৰ্ড কৰিছিল। তেওঁৰ গানবোৰ ৩৬ টাতকৈও অধিক আঞ্চলিক ভাৰতীয় আৰু বিদেশী ভাষাত ৰেকৰ্ড কৰিছিল। তেওঁক ২০০১ চনত ভাৰতৰ সৰ্বোচ্চ অসামৰিক সন্মান ভাৰতৰত্ন প্ৰদান কৰা হৈছিল। তেওঁ এম.এছ. সুব্বুলক্ষ্মীৰ পাছত ভাৰতৰত্ন লাভ কৰা কেৱল দ্বিতীয়গৰাকী কণ্ঠশিল্পী আছিল। তেওঁ আন বহুতো সন্মানৰ ভিতৰত তিনিটা ৰাষ্ট্ৰীয় চলচ্চিত্ৰ বঁটা প্ৰাপক আছিল। ‘অ মেৰে ভাটন কে লোগন’, ‘বাবুল পিয়াৰে’, লাগ জা গেল চে ফিৰ’ আনবোৰৰ ভিতৰত তেওঁৰ কেইটামান আইকনিক গান। মংগেশকাৰৰ চাৰিজন সৰু ভাই-ভনী আছে- আশা ভোছলে, হৃদয়নাথ মংগেশকাৰ, ঊষা মংগেশকাৰ আৰু মীনা মংগেশকাৰ।