ডিজিটেল ডেস্ক
বিহাৰৰ ৰাজনীতিয়ে সমগ্ৰ দেশকে আশ্চৰ্য্যান্বিত কৰি তোলাৰ সময়তে বিজেপি চৰকাৰৰ বিৰুদ্ধে সৰৱ হৈ উঠিছে লালু প্ৰসাদ যাদৱ৷ আৰ জে ডি দলৰ নেতা লালু প্ৰসাদ যাদৱে মন্তব্য কৰে যে ২০২৪ লোকসভা নিৰ্বাচনত ৰাইজে বিজেপিক সম্পূৰ্ণৰূপে উভালি পেলাব লাগে৷
আমাৰ চৰকাৰ একনায়কত্ববাদী ৷ সেয়েহে মোডীক আঁতৰাব লাগে বুলিও মন্তব্য কৰে ৰাষ্ট্ৰীয় জনতা দলৰ সভাপতিয়ে।
সুশীল মোদীয়ে বিহাৰৰ নতুন চৰকাৰৰ বিষয়ে বিষয়ে কৰা কটু মন্তব্যৰো বিৰোধিতা কৰে ৰাষ্ট্ৰীয় জনতা দলৰ সভাপতিজনে ৷ তেওঁ সুশীল মোদীক মিছলীয়াও আখ্যা দিয়ে৷
উল্লেখযোগ্য যে, বিহাৰৰ মুখ্যমন্ত্ৰী নীতিশ কুমাৰে মাত্ৰ কিছুদিন পূৰ্বে বিজেপি দলৰ লগত সংযুক্ত চৰকাৰখন ভংগ কৰে৷ লগতে আৰ জে ডি আৰু আন বিজেপি বিৰোধী দল সমূহৰ লগত সংযুক্ত চৰকাৰ গঠন কৰে৷
বৰ্তমান সকলোৰে বাবে আকৰ্ষণীয় হৈ পৰিছে বিহাৰৰ ৰাজনীতি৷ ইফালে বিজেপি দলৰ বাবে বৰ্তমান বিহাৰত নিজৰ স্থিতি বৰ্তাই ৰখাটো জটিল কাম হৈ পৰিছে৷
Continue Reading
