ডিজিটেল ডেস্ক :
কেন্দ্ৰীয় চৰকাৰে ৰাষ্ট্ৰীয় সুৰক্ষা পৰামৰ্শদাতা অজিত দোভালৰ সুৰক্ষাত নিয়োজিত তিনিজন কামাণ্ডক বৰ্খাস্ত কৰিছে বুলি জানিব পৰা গৈছে। এই জোৱান কেইজন কেন্দ্ৰীয় উদ্যোগিক সুৰক্ষা বলৰ জোৱান আছিল৷ এই বছৰৰ ফেব্ৰুৱাৰীত সংঘটিত সুৰক্ষা উলংঘনৰ ঘটনাৰ বাবে উক্ত জোৱান কেইজনক বৰ্খাস্ত কৰা হৈছে৷
জানিব পৰা মতে, চৰকাৰে এন এছ এ দোভালৰ ভি আই পি সুৰক্ষাত নিয়োজিত এজন অতিৰিক্ত আৰক্ষী নিৰীক্ষককো স্থানান্তৰিত কৰিছে৷
প্ৰাপ্ত তথ্য অনুসৰি ,যোৱা ফেব্ৰুৱাৰী মাহত অজিত দোভালৰ আৱাসৰ পৰিসৰত কোনো ব্যক্তিয়ে অনুমতি অবিহনেই প্ৰৱেশৰ চেষ্টা চলাইছিল৷ লগতে সুৰক্ষা ব্যৱস্থা উলংঘন কৰিছে বুলিও পোহৰলৈ আহিছে৷ সেই ব্যক্তিজন সুৰক্ষা কৰ্মীয়ে বাধা প্ৰদান কৰে আৰু দিল্লী আৰক্ষীয়ে গ্ৰেপ্তাৰ কৰে৷ গ্ৰেপ্তাৰ হোৱা ব্যক্তিজন এখন গাড়ী চলাই আহিছিল বুলিও জানিব পৰা গৈছে৷
সেই গাড়ীখন সম্পৰ্কে অনুসন্ধান চলোৱা হৈছে আৰু ব্যক্তিজনক আটক কৰা হৈছে৷ ব্যক্তিজনক আটক কৰে কেন্দ্ৰীয় উদ্যোগিক সুৰক্ষা বলৰ জোৱান কেইজনমানে৷
এই ব্যক্তিজন বাংগালোৰৰ শান্তনু ৰেড্ডী বুলি চিনাক্ত কৰা হৈছে৷ ব্যক্তিজনক ইতিমধ্যে মানসিক বিকাৰগ্ৰস্ত বুলি সংবাদ মাধ্যমক জানিবলৈ দিয়া হৈছে৷ এই ব্যক্তিজনে নয়দাৰ পৰা উক্ত গাড়ীখন ভাড়া কৰি আনিছিল৷ এই ঘটনা সংঘটিত হোৱাৰ সময়ত দোভাল ঘৰতে আছিল বুলিও জানিব পৰা গৈছে৷
Continue Reading
