ডিজিটেল ডেস্কঃ দেশৰ স্বাস্থ্য সেৱাৰ প্ৰকৃত স্বৰূপ আজি পুনৰবাৰ উদঙালে এগৰাকী গৰ্ভৱতী মহিলাৰ মৃত্যুৱ। এগৰাকী ২১ বছৰীয়া গৰ্ভৱতী জনজাতীয় মহিলাই এখন গাওঁৰ পৰা সাত কিলোমিটাৰ খোজকাঢ়ি গৈছিল প্ৰাথমিক স্বাস্থ্য কেন্দ্ৰলৈ (পিএইচচি)। কিন্তু বাটতে তেওঁৰ বাবে যেন কাল ৰৈ আছিল। চিকিৎসালয়ৰ পৰা পালঘৰ জিলাত থকা ঘৰলৈ উভতি অহাৰ সময়তে মহিলাগৰাকীয়ে চানষ্ট্ৰোকত মৃত্যু বৰণ কৰে।
পালঘৰ জিলাৰ অসামৰিক শল্য চিকিৎসক ড০ সঞ্জয় বোদাদে জনোৱা অনুসৰি দহানু তালুকাৰ ওছাৰ বীৰা গাঁৱৰ সোণালী ৱাঘাটে প্ৰখৰ ৰ'দৰ মাজতে ৩.৫ কিলোমিটাৰ খোজ কাঢ়ি ওচৰৰ এখন চিকিৎসালয়ত উপস্থিত হৈছিল । তাৰ পৰা তেওঁ তাৱা পিএইচচিলৈ এখন অটো-ৰিক্সা লৈছিল।গৰ্ভধাৰণৰ নৱম মাহত থকা মহিলাগৰাকীক পিএইচচিত চিকিৎসা কৰা হৈছিল আৰু ঘৰলৈ প্ৰেৰণ কৰা হৈছিল।
কিন্তু প্ৰচণ্ড গৰমৰ মাজৰে তেওঁ পুনৰ ৰাজপথেৰে ঘৰলৈ উভতি আৰু ৩.৫ কিলোমিটাৰ পথ খোজ কাঢ়িবলগীয়া হৈছিল। কাৰণ তেওঁৰ গাওঁ খনলৈ কোনো বাহন যোৱাৰ সূচল পথ নাই। এনেদৰ ৰ’দৰ মাজৰে খোজকাঢ়ি যোৱাৰ ফলত তেওঁ অলিস্থ হৈ পৰে আৰু তেওঁক ধুণ্ডালৱাড়ী পিএইচচিলৈ লৈ যোৱা হয়। তাৰ পৰা তেওঁক কাছা উপ-বিভাগীয় চিকিৎসালয়লৈ (এছডিএইচ) প্ৰেৰণ কৰা হয় । চিকিৎসকে তেওঁক উন্নত চিকিৎসাৰ বাবে দহানুৰ ধুণ্ডালৱাড়ীৰ এখন বিশেষ চিকিৎসালয়লৈ প্ৰেৰণ কৰে যদিও এম্বুলেন্সতে তেওঁৰ মৃত্যু ঘটে। এই ঘটনাই শোকৰ ছাঁ পেলাইছে।
Continue Reading
