ডিজিটেল ডেস্কঃ মেঘালয় চৰকাৰৰ উদ্যোগত মৃতকৰ অংগদান কাৰ্যসূচী মুকলি কৰা হয়। মেঘালয় চৰকাৰে জুবলী ফাউণ্ডেশ্যনৰ সহযোগত এই জটিল স্বাস্থ্যসেৱা বিষয়টোৰ সন্দৰ্ভত সজাগতা বৃদ্ধি আৰু আলোচনাৰ পোষকতা কৰাৰ লক্ষ্যৰে মৃতকৰ অংগদানৰ ওপৰত এক বিস্তৃত সংবেদনশীলতা কাৰ্যসূচী সফলতাৰে আয়োজন কৰে।
এই পদক্ষেপে ৰাজ্য খনৰ ভিতৰত স্বাস্থ্যসেৱা আৰু সম্প্ৰদায় কল্যাণৰ ক্ষেত্ৰত এক উল্লেখযোগ্য পদক্ষেপক প্ৰতিনিধিত্ব কৰিছে। জীৱন ৰক্ষা আৰু মমতাৰ বাবে অটল প্ৰতিশ্ৰুতিৰে এই কাৰ্যসূচীৰ লক্ষ্য হৈছে সজাগতা বৃদ্ধি, বিভ্ৰান্তি দূৰ কৰা আৰু অংগদানৰ দৰে মহান কাৰ্য্যত অংশগ্ৰহণক উৎসাহিত কৰা।
মেঘালয়ৰ স্বাস্থ্য আৰু পৰিয়াল কল্যাণ বিভাগৰ আয়ুক্ত আৰু সচিব আই এ এছ ড° জৰ্ডান বেডাই আজিৰ মৃতকৰ অংগদানৰ সংবেদনশীল কাৰ্যসূচীত মুখ্য অতিথি হিচাপে শোভা বৰ্ধন কৰে। ভাষণৰ সময়ত ড০ বেডাই মেঘালয়ত অংগদানৰ বৰ্তমানৰ অৱস্থা আৰু পৰিসংখ্যাগত তথ্যৰ এক আভাস দাঙি ধৰে। লগতে তেওঁ ৰাজ্যৰ ভিতৰত অংগদানৰ পদক্ষেপ ৰূপায়ণৰ সুবিধাৰ বাবে প্ৰয়োজনীয় সকলো আইনী ব্যৱস্থা শীঘ্ৰে গ্ৰহণ কৰাৰ প্ৰতিশ্ৰুতিৰ কথাও দোহাৰে। শ্বিলঙৰ ব্ৰুকডেনৰ এম আই আই টিত অনুষ্ঠিত এই কাৰ্যসূচীত সন্মানীয় বক্তাসকলে নিজৰ বিশেষজ্ঞতা আৰু অন্তৰ্দৃষ্টি ভাগ-বাটোৱাৰা কৰে৷
ডাঃ সৰ্বেশ্বৰ চহৰীয়া(পদ্মশ্ৰী) কিমছ হায়দৰাবাদৰ ভাৰতীয় নেফ্ৰ’লজিষ্ট আৰু মুখ্য ট্ৰান্সপ্লাণ্ট ইউৰ’লজিষ্ট , আৰু ইউনিভাৰছিটি অৱ ছাইন্স এণ্ড টেকন’লজি মেঘালয়ৰ প্ৰ’ ভাইচ চেন্সেলৰ। ডাঃ চহৰীয়াই মৃতকৰ অংগদানৰ ওপৰত এক বিস্তৃত আভাস আগবঢ়ায় আৰু জীৱন ৰক্ষা তথা স্বাস্থ্যসেৱাৰ ফলাফল উন্নত কৰাত ইয়াৰ প্ৰাসংগিকতাৰ ওপৰত গুৰুত্ব আৰোপ কৰে।
জুবলী ফাউণ্ডেশ্যনৰ চিইঅ’ শ্ৰীমতী প্ৰিয়ংকা বৰাই মেঘালয়ত মৃতকৰ অংগদান কাৰ্যসূচীৰ বিষয়ে উপস্থাপন কৰি ৰাজ্যখনৰ অংগদানৰ আন্তঃগাঁথনি বিকাশৰ কৌশলগত পদক্ষেপৰ ৰূপৰেখা দাঙি ধৰে। এই সংবেদনশীলতা কাৰ্যসূচীত মেঘালয় চৰকাৰৰ স্বাস্থ্য আৰু পৰিয়াল কল্যাণ বিভাগৰ প্ৰায় ৬০ গৰাকী প্ৰতিনিধি উপস্থিত থাকে। এই উল্লেখযোগ্য সহাৰিয়ে স্বাস্থ্যজনিত গুৰুত্বপূৰ্ণ বিষয়সমূহৰ ওপৰত সজাগতা বৃদ্ধি আৰু বুজাবুজি গঢ়ি তোলাৰ বাবে বিভাগটোৰ দায়বদ্ধতাক প্ৰদৰ্শন কৰিছিল।
ডাঃ সৰ্বেশ্বৰ চহৰীয়া আৰু শ্ৰীমতী প্ৰিয়ংকা বৰাৰ উপস্থাপনসমূহে আমাৰ সমাজত অংগদানৰ গুৰুত্ব সম্পৰ্কে বুজাবুজি আৰু সজাগতা বহু পৰিমাণে বৃদ্ধি কৰিছে।এই সংবেদনশীলতা কাৰ্যসূচীয়ে মেঘালয়ত স্বাস্থ্যসেৱাৰ পদক্ষেপ আৰু নীতি নিৰ্ধাৰণ আগুৱাই নিয়াৰ বাবে ইয়াৰ জনসাধাৰণৰ মংগল আৰু কল্যাণৰ প্ৰতি সমৰ্পণৰ ওপৰত গুৰুত্ব আৰোপ কৰি সামূহিক প্ৰতিশ্ৰুতিৰ উদাহৰণ দাঙি ধৰিলে।
Continue Reading
