ডিজিটেল ডেস্কঃ এক ভয়ংকৰ পথ দুৰ্ঘটনাত মৃত্যু হ’ল একেটা পৰিয়ালৰ ৬জন লোকৰ। ট্ৰাক আৰু বিলাসী বাহনৰ মাজত হোৱা সংঘৰ্ষৰ ফলত এই কৰুণ ঘটনাটি সংঘটিত হয়। উত্তৰ প্ৰদেশৰ হাপুৰ জিলাত সংঘটিত হৈছে এই ভয়ংকৰ পথ দুৰ্ঘটনা।
সংঘৰ্ষটো ইমানেই ভয়াৱহ আছিল যে গাড়ীখন সম্পূৰ্ণৰূপে চূৰ্ণ-বিচূৰ্ণ হৈ যায়।
তথ্য অনুসৰি এই দুৰ্ঘটনা সংঘটিত হৈছে দিল্লী-লক্ষ্ণৌ ঘাইপথ ৯ নং ৰাষ্ট্ৰীয় ঘাইপথৰ গড় কোতৱালি অঞ্চলৰ আল্লাবাখশপুৰ কাটৰ সমীপত। গাড়ীখনত থকা পৰিয়ালটো গাজিয়াবাদৰ পৰা গজৰৌলালৈ গৈ থকা অৱস্থাত গভীৰ নিশা সংঘটিত হয় এই দুৰ্ঘটনা।
এই দুৰ্ঘটনাত প্ৰাণ হেৰুওৱা আটাইকেইজন লোক গাজিয়াবাদৰ একেটা পৰিয়ালৰ বুলি জানিব পৰা গৈছে।
আৰক্ষী ঘটনাস্থলীত উপস্থিত হৈ মৃতকৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰে আৰু আহত ব্যক্তিক চিকিৎসাৰ বাবে ওচৰৰ চিকিৎসালয়ত ভৰ্তি কৰে।
জানিব পৰা অনুসৰি গাড়ী চালকজনে নিয়ন্ত্ৰণ হেৰুৱাইছিল, যাৰ বাবে গাড়ীখনে ঘাইপথত ডিভাইডাৰৰ সৈতে সংঘৰ্ষত লিপ্ত হৈছিল। গাড়ীখনৰ গতিবেগ অতি বেছি আছিল, যাৰ বাবে ৰাষ্ট্ৰীয় ঘাইপথত গাড়ীখন বাগৰি পৰে। এই সময়তে আনফালৰ পৰা অহা এখন ট্ৰাকে গাড়ীখনক খুন্দা মাৰে। দুৰ্ঘটনাটো ইমানেই ভয়াৱহ আছিল যে সংঘৰ্ষৰ পিছতে গাড়ীখন বিধ্বস্ত হৈ পৰে।
Continue Reading
