ঘৰত যিমানেই পনীৰ নাখাওক কিয়, যিমানেই দামী ডাঙৰ ৰেষ্টুৰেণ্টত গৈ পনীৰৰ ব্যঞ্জন অৰ্ডাৰ নকৰক কিয়, বিয়াত পনীৰ খোৱাৰ আনন্দই কিবা এটা বেলেগ। এই কাৰ

Listen to Article

2 min read

80%

ডিজিটেল ডেস্কঃ ঘৰত যিমানেই পনীৰ নাখাওক কিয়, যিমানেই দামী ডাঙৰ ৰেষ্টুৰেণ্টত গৈ পনীৰৰ ব্যঞ্জন অৰ্ডাৰ নকৰক কিয়, বিয়াত পনীৰ খোৱাৰ আনন্দই কিবা এটা বেলেগ। এই কাৰণে বিয়াত বহু লোকে পনীৰ বিচাৰে। বিয়াঘৰৰ পনীৰৰ সোৱাদ লৈ বহু লোকে সুখ অনুভৱ কৰে। কিন্তু আপুনি কেতিয়াবা কোনোবাই পনীৰক লৈ কাজিয়া কৰা দেখিছেনে? বৰ্তমান এটা ভিডিঅ’ ভাইৰেল হৈ আছে য’ত দাবী কৰা হৈছে যে বিয়াত পনীৰৰ বাবে মাৰপিট লাগিছে।

টুইটাৰ একাউণ্ট @gharkekalesh ত পোষ্ট কৰা হৈছে ভিডিঅ’টো। বিবাহৰ ভিডিঅ’ত অতিথিসকলে চকী দলিয়াই হুলস্থূল লগায়। ভিডিঅ’টোত দাবী কৰা হৈছে যে কাজিয়া কৰা লোকসকল দৰাঘৰীয়া আৰু কইনাঘৰীয়া। কাজিয়াৰ কাৰণ হ’ল মটৰ পনীৰত পনীৰ পোৱা নগ’ল। অৱশ্যে ভিডিঅ’টোৰ দাবীৰ সত্যতা প্ৰাগ ডিজিটেলে নিশ্চিত কৰা নাই।

ভাইৰেল ভিডিঅ’টোত আপুনি দেখিছে যে বহু লোকে ইজনে সিজনৰ লগত মাৰপিট কৰা দেখা গৈছে। ইয়াৰ উপৰিও চকীও দলিয়াই দিয়া হৈছে। মাজত ডাইনিং টেবুল এখন আছে যাৰ প্ৰতি কোনেও গুৰুত্ব দিয়া নাই। পিছফালে দেখা যায় যে মানুহে চকী দাঙি হাতত লৈ আছে। বহুতে এই সকলোবোৰ কেৱল নীৰৱ দৰ্শকৰ দৰে চাই আছে।

এই ভিডিঅ'টোৱে ২ লাখ ১০ হাজাৰতকৈও অধিক ভিউ লাভ কৰাৰ বিপৰীতে বহুতে কমেণ্ট ছেকচনত নিজৰ মতামত দিছে। এজনে ক’লে, “তৃতীয় বিশ্বযুদ্ধ পনীৰৰ বাবেই হ’ব যেন লাগিছে।’’

সঁচাকৈয়ে মানুহৰ যে ইমান লোভ!