ডিজিটেল ডেস্কঃ আন্তঃৰাষ্ট্ৰীয় মটিভেচ’নেল স্পীকাৰ বিবেক বিন্দ্ৰাৰ বিৰুদ্ধে পত্নীক আক্ৰমণ কৰাৰ গোচৰ ৰুজু কৰা হৈছে। বিবেক বিন্দ্ৰা কেৱল এজন ইউটিউবাৰেই নহয় এজন ডাঙৰ ব্যৱসায়ীও। ২০২৩ চনৰ ৬ ডিচেম্বৰত তেওঁ য়ানিকাৰ সৈতে বিবাহপাশত আবদ্ধ হয় আৰু বিয়াৰ পাছদিনাই পত্নীক প্ৰহাৰ কৰি কাণৰ পৰ্দা ফালি দিয়ে মটিভেচনেল স্পীকাৰ বিবেক বিন্দ্ৰাই।
তেওঁৰ বিৰুদ্ধে ইতিমধ্যে গোচৰ ৰুজু কৰা হৈছে। বিবেক বিন্দ্ৰাৰ বিৰুদ্ধে পত্নীক তীব্ৰ প্ৰহাৰ কৰাৰ অভিযোগ উত্থাপন হৈছে। আৰক্ষীয়ে জনোৱা মতে, বিষয়টোৰ তদন্ত চলি আছে। বিবেক বিন্দ্ৰাই নিজকে ব্যৱসায়িক গুৰু বুলি কয়। ইউটিউবত তেওঁৰ বহু চেনেল আছে আৰু তেওঁ মানুহক মাৰ্কেটিং আৰু ব্যৱসায়ৰ কৌশল শিকায়।
বিবেক বিন্দ্ৰাৰ খুলশালী বৈভৱ কোৱাত্ৰাই নয়ডা থানা ছেক্টৰ ১২৬ এলেকাত এজাহাৰ দাখিল কৰিছে। য'ত তেওঁ লিখিছে যে ২০২৩ চনৰ ৬ ডিচেম্বৰত ললিত মনাগৰ হোটেলত বিবেক বিন্দ্ৰাৰ সৈতে তেওঁৰ ভগ্নীৰ বিবাহ হয়। তেওঁ নয়ডাৰ ছুপাৰনোভা ৱেষ্ট ৰেচিডেন্সি ৪২০৯ প্লেট ছেক্টৰ ৯৪ত থাকে। বিবেকে পত্নীক আক্ৰমণ কৰাৰ ভিডিঅ’ও পোহৰলৈ আহিছে।
বৈভৱ কোৱাত্ৰাই কয় যে ''৭ ডিচেম্বৰ তাৰিখে পুৱা প্ৰায় ৩ বজাত মোৰ ভিনদেউ বিবেক বিন্দ্ৰাই নিজ মাতৃ প্ৰভাজীৰ লগত কাজিয়া কৰি আছিল। এই বিষয়ত যেতিয়া মোৰ ভগ্নী য়ানিকাই হস্তক্ষেপ কৰিলে, তেতিয়া বিবেক বিন্দ্ৰাই য়ানিকাক কোঠাত আবদ্ধ কৰি নিৰ্যাতন চলাইছিল। ইয়াৰ পিছত তেওঁক প্ৰচণ্ড মাৰপিট কৰা হয় যাৰ বাবে তেওঁৰ গোটেই শৰীৰত ঘাঁ হয়।''
ইয়াৰ বাহিৰেও বৈভৱ কোৱাত্ৰাই কয় যে ''য়ানিকাই ইমানেই আঘাত পাইছে যে তেওঁৰ কাণৰ পৰ্দা ফাটি গৈছে। কাজিয়াৰ সময়ত বিবেকে য়ানিকাৰ চুলিতো জোৰকৈ ধৰিছিল। মূৰত আঘাত পোৱাৰ পাছত তেওঁৰ মূৰ ঘূৰোৱা হ’বলৈ ধৰিলে। দিল্লীৰ কাৰ্কাৰডুমাৰ কৈলাশ দীপক চিকিৎসালয়ত চিকিৎসাধীন হৈ আছে য়ানিকা। এই কাজিয়াৰ সময়ত বিবেকে য়ানিকাৰ মোবাইল ফোনো ভাঙি পেলায়। আমি বিচাৰো বিবেকৰ বিৰুদ্ধে আৰক্ষীয়ে কঠোৰতম ব্যৱস্থা গ্ৰহণ কৰক।''
Continue Reading
