ডিজিটেল ডেস্কঃ মটিভেশ্যনেল স্পীকাৰ বিবেক বিন্দ্ৰাৰ বিৰুদ্ধে পত্নীক নিৰ্যাতন চলোৱাৰ বাবে গোচৰ ৰুজু কৰা হৈছে। বিবেক বিন্দ্ৰা এজন ইউটিউবাৰ আৰু এজন ব্যৱসায়ী। চলিত বৰ্ষৰ ৬ ডিচেম্বৰত তেওঁ য়ানিকাৰ সৈতে বিবাহপাশত আবদ্ধ হয় আৰু ১৪ ডিচেম্বৰত তেওঁৰ বিৰুদ্ধে গোচৰ ৰুজু হয়। ব্যৱসায়ী বিবেক বিন্দ্ৰাৰ বিৰুদ্ধে পত্নীক তীব্ৰ প্ৰহাৰ কৰাৰ অভিযোগ উত্থাপন হৈছে। আৰক্ষীয়ে জনোৱা মতে, গোচৰটোৰ তদন্ত চলি আছে।
বিবেক বিন্দ্ৰাই নিজকে ব্যৱসায়িক গুৰু বুলি গণ্য কৰি নিজৰ ইউটিউব চেনেলত মানুহক ব্যৱসায়িক দক্ষতাৰ বিষয়ে শিকায়। বিন্দ্ৰাৰ বহুতো ইউটিউব চেনেল আছে। এই চেনেলবোৰত বিবেকে মানুহক ব্যৱসায় আৰু বিপণনৰ কৌশল শিকাই। অৱশ্যে তেওঁক প্ৰায়ে কিছুমান বিতৰ্কই আগুৰি থাকে। শেহতীয়াকৈ দেশৰ প্ৰেৰণাদায়ক বক্তা বিবেক বিন্দ্ৰা আৰু সন্দীপ মহেশ্বৰীৰ মাজত মতানৈক্যৰ সৃষ্টি হৈছে। দুয়োজনে ইজনে সিজনক দোষাৰোপ কৰি আছে। দুয়োজনে ভিডিঅ’ বনাইছে আৰু ছ’চিয়েল মিডিয়াত মন্তব্য কৰিছে। একে সময়তে ছ’চিয়েল মিডিয়াতো দুয়োৰে অনুৰাগীয়ে ইজনে সিজনৰ বিৰুদ্ধে ট্ৰেণ্ডিং কৰি আছে।
দৰাচলতে ২০২৩ চনৰ ১১ ডিচেম্বৰত সন্দীপ মহেশ্বৰীয়ে ইউটিউবত এটা ভিডিঅ’ আপলোড কৰিছিল। এই ভিডিঅ'টোত তেওঁ এটা ডাঙৰ কেলেংকাৰী উদঙাই দিয়া বুলি দাবী কৰিছিল। ভিডিঅ’টোত তেওঁ ব্যৱসায় শিকোৱাৰ নামত হাজাৰ হাজাৰ টকা সংগ্ৰহ কৰা লোকৰ কথা কৈছিল। হাজাৰ হাজাৰ টকাত ব্যৱসায়িক পাঠ্যক্ৰম কিনিছে মানুহে।সন্দীপে ইয়াক ডাঙৰ কেলেংকাৰী বুলি অভিহিত কৰে। এই সন্দৰ্ভত দুয়োৰে মাজত মতানৈক্য চলি আছে আৰু দুয়োজনে ইজনে সিজনক মুকলিকৈ প্ৰত্যাহ্বান জনাইছে।
Continue Reading
