মুখৰ আলচাৰৰ সমস্যাত ভুগিছে নেকি? তেন্তে এই ঘৰুৱা দিহাসমূহ মানি চলক…

ডিজিটেল ডেস্ক : মুখৰ আলচাৰ অতি বেদনাদায়ক। আলচাৰৰ সমস্যাত ভুগিলে মানুহে খোৱা-বোৱাত বহুতো অসুবিধাৰ সন্মুখীন হ’বলগীয়া হয়।  বগা ৰঙৰ এই ফোহাবোৰ প্ৰায়ে আমাৰ আঁঠু, জিভা, গাল আৰু ওঁঠত দেখা দিয়ে। পানী কমকৈ খোৱা বা পেট পৰিষ্কাৰ নোহোৱাৰ উপৰি অন্য বহু কাৰণত এই ফোহা ওলায়। কেতিয়াবা ফোহাবোৰ নিজে নিজে ভাল হৈ যায়। কিন্তু যেতিয়া সংক্ৰমণ বাঢ়ে, তেতিয়া খাদ্য খোৱাৰ পৰা মুখ মেলিবলৈও সমস্যাৰ সন্মুখীন হয়। এনে পৰিস্থিতিত ঘৰুৱা ঔষধ ব্যৱহাৰ কৰি নিৰাময় পাব পাৰি।

 ১. মৌঃ-মৌত এন্টিবেক্টেৰিয়েল আৰু এন্টিবায়টিক গুণ পোৱা যায়। সেইবাবেই ইহঁতে মুখৰ আলচাৰ সহজে কমায়। আলচাৰত দিনে ৪-৫বাৰ মৌ লগাব লাগে। মৌ লগোৱাৰ পাছত মুখৰ পৰা লেলাৱতীবোৰ পেলাই দিব। এনে কৰিলে ফোহাৰ পৰা অতি সোনকালে উপশম পাব।

২. হালধিঃ-হালধি হৈছে ঔষধি গুণেৰে সমৃদ্ধ। মুখৰ আলচাৰ কমোৱাত ই অতি ফলপ্ৰসূ। ইয়াক ব্যৱহাৰ কৰিবলৈ প্ৰথমে কেইচামুচমান হালধি লৈ তাত অলপ পানী দি পেষ্ট বনাওক। এই পেষ্টটো আলচাৰত দিনে দুবাৰৰ পৰা তিনিবাৰকৈ লগাব লাগে। ইয়াৰ ফলত আপোনাৰ ফোহাবোৰ নাইকিয়া হৈ যাব।

৩. নিমখ আৰু কুহুমীয়া পানীঃ-আলচাৰ আঁতৰোৱাত নিমখৰ এন্টিচেপ্টিক গুণ অতি ফলপ্ৰসূ।এগিলাচ পানী গৰম কৰি তাত কিছু নিমখ দিব। এতিয়া এই পানী মুখত লৈ গাৰ্গল কৰক। গৰম পানীয়ে আলচাৰ নিৰ্মূল কৰাত সহায় কৰে।