ডিজিটেল ডেস্কঃ এটা বয়সৰ পাছত মুখমণ্ডলত ডাবল চিন পৰাটো সাধাৰণ কথা। প্ৰায়ে ওজন বৃদ্ধি হোৱা আৰু মুখত চৰ্বি জমা হোৱাৰ বাবেই এনে হয়। ইয়াক সাধাৰণতে বয়স বৃদ্ধিৰ লক্ষণ বুলি গণ্য কৰা হয়, গতিকে সকলোৱে ইচ্ছা কৰে যে মুখত যাতে চৰ্বি জমা নহয়। ডাবল চিনে মুখমণ্ডলৰ সৌন্দৰ্য্য হ্ৰাস কৰে। সকলো প্ৰচেষ্টাৰ পাছতো যদি মুখৰ চৰ্বি আঁতৰাই নাঁতৰে তেন্তে মানুহৰ বহুত খং উঠিবলৈ আৰম্ভ কৰে। এনে অৱস্থাত এনে ৩টা যোগাসনৰ বিষয়ে ক’ম, যিয়ে এই সমস্যা দূৰ কৰিব।
১) আকাশ চুম্বন যোগঃ এইটো এটা অতি সহজ যোগাসন যিটো যিকোনো ব্যক্তিয়ে কৰিব পাৰে। ইয়াৰ ফলত আপোনাৰ মুখৰ আকৃতি উন্নত হ’ব আৰু লগতে ডাবল চিনৰ পৰা মুক্তি পাব। ইয়াৰ বাবে আৰামত বহি লাহে লাহে আকাশখন চাবলৈ আৰম্ভ কৰক। এতিয়া ওঁঠ দুটা এনেদৰে আকৃতি দিয়ক যেন আপুনি আকাশখন চুমা খাবলৈ চেষ্টা কৰিছে। কোঠাত বহিও এই ওপৰলৈ চাই এই কাম কৰিব পাৰে। এই প্ৰক্ৰিয়াটো প্ৰায় ৫ মিনিটমান পুনৰাবৃত্তি কৰক। নিয়মিতভাৱে এনে কৰিলে মুখৰ আকৃতি উন্নত হ’ব।
২) সহজ কণ্ঠ ভাৱাসনঃ ইয়াৰ বাবে থুঁতৰীটো বাওঁ কান্ধৰ ফালে লৈ যাওক লাহে লাহে উশাহ এৰি পিছলৈ লৈ যাওক। এতিয়া উশাহ এৰি যোৱাৰ সময়ত থুঁতৰীটো সোঁ কান্ধৰ ফালে লৈ যাওক আৰু তাৰ পিছত লাহে লাহে বুকুৰ ফালে লৈ যাওক। ইয়াৰ বাহিৰেও ডিঙিটো ৩ বাৰ ঘড়ীৰ কাঁটাৰ দিশত আৰু ৩ বাৰ ঘড়ীৰ কাঁটাৰ বিপৰীত দিশত ঘূৰাই দিব লাগে। এই পদ্ধতি দৈনিক ৩ বাৰ কৰক।
৩) সিংহ মুদ্ৰাঃ সিংহ মুদ্ৰা এটা অতি সহজ ভংগীমা। সিংহ মুদ্ৰা কৰিলে মুখৰ পেশীবোৰে আৰাম পায়। ইয়াৰ বাবে জিভা বাহিৰ কৰি সম্পূৰ্ণ জোৰেৰে মুখখন যিমান পাৰি মেলি দিব লাগে। প্ৰায় আধা মিনিট সময় এই অৱস্থা বজাই ৰাখিব লাগে।
এনেদৰে এই তিনিটা অভ্যাস কৰিলে লাহে লাহে মুখৰ ডাবল চিন যাবলৈ আৰম্ভ কৰিব।
Continue Reading
