ডিজিটেল ডেস্কঃভাৰতৰ চুবুৰীয়া দেশ পাকিস্তানে হয়তো নাজানে মূল্যবৃদ্ধি কিদৰে ৰোধ কৰিব লাগে৷ সেইবাবেই সামগ্ৰীৰ বজাৰত জুইত জ্বলি আছে পাকিস্তানত। পাকিস্তানৰ বহু ঠাইত এতিয়া এক কিলোগ্ৰাম ব্ৰইলাৰ মাংসৰ মূল্য ৬৫০ টকা হৈছে। পাকিস্তানী সংবাদমাধ্যমৰ মতে, ব্ৰইলাৰৰ মাংসৰ মূল্য যি হাৰত বৃদ্ধি পাইছে সেয়া অতি সোনকালেই সাধাৰণ মানুহৰ ক্ৰয় ক্ষমতা অতিক্ৰম কৰিব পাৰে আৰু ব্ৰইলাৰৰ মাংসও আন মাংসৰ দৰে ব্যয়বহুল হৈ পৰিব পাৰে৷
পাকিস্তানৰ ব্যৱসায়ীসকলে আশংকা কৰিছে যে ব্ৰইলাৰৰ মাংসৰ মূল্যই অতি শীঘ্ৰে প্ৰতি কিলোগ্ৰামত ৮০০ টকা অতিক্ৰম কৰিব পাৰে। পাকিস্তানৰ ৰাজধানী ইছলামাবাদত ব্ৰইলাৰ মাংস প্ৰতি কিলোগ্ৰামত ৬৫০ টকাত বিক্ৰী কৰা হৈছে।আনহাতে, পাকিস্তান কুকুৰা পালক সংস্থা আৰু অল পাকিস্তান চোলভেণ্ট এক্সট্ৰেক্টৰ এছ'চিয়েশ্যনে পঞ্জাৱ প্ৰদেশত প্ৰতিবাদী কাৰ্যসূচীৰ আহ্বান জনাইছে। তেওঁলোকে দাবী কৰিছে যে চৰকাৰে এই দুয়োটা উদ্যোগক ধ্বংসৰ মুখৰ পৰা বচাব লাগে।
যোৱা বছৰৰ অক্টোবৰ মাহৰ পৰা পাকিস্তানত কুকুৰা প্ৰতিপালনৰ সামগ্ৰীৰ মূল্য ক্ৰমান্বয়ে বাঢ়ি গৈ আছে।
যোৱা তিনি মাহত ৫০ কিলোগ্ৰাম চিকেন ফিড বস্তাৰ মূল্য ২,০০০ টকাৰ পৰা ৭,০০০ টকালৈ বৃদ্ধি হৈছে। ফলত ব্ৰইলাৰ মাংসৰ দামো বৃদ্ধি হৈছে৷
Continue Reading
