ডিজিটেল ডেস্কঃ দোষ কৰিলে শাস্তি হ’বই। ভাৰতীয় ন্যায় ব্যৱস্থাত তেনে শাস্তিৰ বিধান ৰখা হৈছে। শাস্তিৰ নামত কোনো অপৰাধীৰ ২০, ২৫ বছৰলৈ কাৰাবাস হ’ব পাৰে যদিও শেহতীয়াকৈ কেৰালাৰ এজন লোকক নাবালিকাক ধৰ্ষণ কৰাৰ অপৰাধত ১৪২ বছৰৰ কাৰাদণ্ড বিহিলে আদালতে।
এখন স্থানীয় আদালতে এগৰাকী নাবালিকাক দুবছৰ ধৰি বলাৎকাৰ কৰি থকাৰ অপৰাধত এজন ৪১ বছৰীয়া লোকক ১৪২ বছৰৰ সশ্ৰম কাৰাদণ্ডৰ শাস্তি প্ৰদান কৰে।
পাথানামথিট্টাৰ অতিৰিক্ত জিলা আৰু সত্ৰ আদালতৰ (পকচো) ন্যায়াধীশ জয়কুমাৰে আনন্দন পি আৰ নামৰ অপৰাধীজনক ১৪২ বছৰৰ কাৰাদণ্ড বিহে।
লগতে তেওঁক ৫ লাখ টকাৰ জৰিমনাও আৰোপ কৰা হয়। জিলাখনত পকচো গোচৰত অভিযুক্তক ইমান বছৰৰ শাস্তি প্ৰদানৰ ঘটনা এয়াই প্ৰথম।
তেওঁৰ বিৰুদ্ধে যৌন অপৰাধৰ পৰা শিশুক সুৰক্ষা (পকচো) আইন আৰু ভাৰতীয় দণ্ডবিধিৰ ধাৰা ৫০৬(অপৰাধমূলক ভাবুকি)ৰ অধীনত গোচৰ ৰুজু হৈছিল। আদালতে কয় যে অভিযুক্তজনে ২০১৯-২০২১ বৰ্ষত শিশুটোক নিৰ্মমভাৱে যৌন নিৰ্যাতন কৰিছিল।
Continue Reading
