ডিজিটেল ডেস্ক: মহাৰাষ্ট্ৰৰ নাছিকত আজি পুৱতি নিশা সংঘটিত এক দুৰ্ঘটনাই দেশজুৰি চৰ্চা লাভ কৰিছে৷ দুৰ্ঘটনাত পতিত হৈ এখন যাত্ৰীবাহী বাছত অগ্নিদগ্ধ হৈ পৰাত ১১গৰাকী যাত্ৰীয়ে কৰুণ মৃত্যুক সাবটি লয়৷
নাছিক আৰক্ষীৰ সূত্ৰ অনুসৰি আজি পুৱতি নিশা নাছিক-ঔৰংগাবাদ পথত এখন ট্ৰাকৰ সৈতে বাছ এখনৰ সংঘৰ্ষ হয়। সংঘৰ্ষৰ পাছত বাছখন বাগৰি পৰে আৰু লগে লগে বাছখনত অগ্নিকাণ্ডৰ সূত্ৰপাত হয়। এই অগ্নিকাণ্ডত ১১জন লোকৰ মৃত্যু হয়৷ ঘটনাৰ খবৰ পোৱাৰ পাছতেই ততাতৈয়াকৈ অগ্নিনিৰ্বাপক বাহিনীৰ দল ঘটনাস্থলীত উপস্থিত হৈ অগ্নি নিৰ্বাপণ কৰে যদিও তেতিয়ালৈকে কেইবাজনো লোকে জুইত প্ৰাণ হেৰুৱাইছিল।
আঘাতপ্ৰাপ্ত লোকসকলক ততাতৈয়াকৈ চিকিৎসালয়লৈ লৈ যোৱা হয়। আৰক্ষীয়ে জনায় যে দুৰ্ঘটনাটো আজি পুৱা প্ৰায় ৫ বাজি ১৫ মিনিটত সংঘটিত হৈছিল। আহত কিছুলোকৰ অৱস্থা সংকটজনক হোৱা হেতুকে মৃত্যুৰ সংখ্যা বৃদ্ধি পোৱাৰ আশংকা কৰা হৈছে।
Continue Reading
